نصبح على شوف انتهاكات وخراب ..
.. ونمسي على دمع وتنهات ونين
بصدورنا شي تذوب اله الهضاب ..
.. وأفعالنا والواقع رياح .. وطحين
يالله زلزل تحت الأعداء التراب ..
.. والطف بنا واحقن دماء المسلمين
ندعوك يا قادر على جعل السحاب ..
.. جيش لنصرة قلة مستضعفين
أغرقهم بنوع من أنواع العقاب ..
.. غرق الغلام اللي يحسب انه فطين
ذوقهم اللهم أنواع العذاب ..
.. اللي عثوا في أرضك أمن المفسدين
وألطف بمن لبسوا من التقوى ثياب ..
.. عبادك المستهدفين المتقين
تكالبت عليهم أنياب الذئاب ..
.. ولا غير عونك يا معين الصابرين
من بينهم شيبه يعجزون الشباب ..
.. من وقفته من طولها في الركعتين
ومن بينهم بنت تون بلا حجاب ..
.. أحجابها لفوا به الجرح المكين
وطفل عن عيون أمه الثنتين غاب ..
.. تبكيه عين وتلتفت لأخيه عين
من هول ما يجري لهم شاب الغراب ..
.. يا وسع حلمك وانت ما فوقك مدين
أدعيك وانت ادرى بحال أهل المصاب ..
.. وأمد كفي لك يا أكرم الأكرمين