ياهلا
:: النقطة الاولى ::
كلامك سليم 100% هي صح 2.4869 لو بتستخدميها كذا صح
لكن الدكتور اخذ بس ثلاث خانات بعد الفاصلة يعني 2.486
الخانة الرابعة ما اخذها من باب الاختصار بدل مايكتب بعد الفاصلة 4 خانات
قال خلها ثلاثة
طيب الحين المهم وهو شي سهل مرة وراح تفهميه على طوول بإذن الله :
عشان تاخذ ثلاث خانات بس مايصير تتجاهل الرابعة كأنها مي موجودة
لأ لازم تشوفي الخانة الرابعة كم قيمتها هل هي تحت 5 (1,2,3,4) أو قيمتها 5 وفوق (5,6,7,8,9)
لو تحت خمسة خلاص تجاهلي الخانة الرابعة وتكتبي عادي 2.486
لو خمسة وفوق تسوي حاجة اسمها جبر (تجبري الخانة الثالثة بزايد واحد)
يعني تزودي على 6 واحد وتصير 7
طبعا بحالتنا هذي الخانة الرابعة 9 يعني أكيد بنجبر بواحد
أمثلة زيادة :
2.8868 = 2.887
2.8869 = 2.887
2.8865 = 2.887
2.8861 = 2.886
طيب 2.887 تبي تخليها خانتين بس = 2.89
2.89 تبي تخليها خانة بس = 2.9
هي كل الغرض منها التسهيل فقط وتحاشي كتابة خانات كثير بعد الفاصلة
:: النقطة الثانية ::
مثل ماوضحت الأخت ¦¦ jùlḭἑt•• ® ربي يوفقها
4% هي نفسها بالضبط 0.04 ولو استخدمتي بالآلة 4% أو 0.04 بيطلع نفس الحل
كل ما في الموضوع أن طريقة التعبير مختلفة, لكن في حاجة مهمة
لو بتقولي 4 لازم تحطي علامة % لأنه 4 بس معناتها رقم أربعة
أما 4% معناتها مختلف وتعني 4 تقسيم 100 وليس رقم أربعة
ونفس الشي 0.04 لو كتبتيها بالشكل هذا ممنوع تحطي علامة %
لو حطيتي علامة % اختلف المعنى تماما ,,,
بكل بساطة 0.04 = 4%
وأنتي اختاري الطريقة الي تريحك بالفهم, والتحويل سهل جدا
مثل ماذكرت اختي ¦¦ jùlḭἑt•• ® ربي يسعدها
4% اقسميها على 100 = 0.04
0.04 اضربيها في 100 = 4%
المقرر مع المذاكرة بيكون سهل عليكم كثير
وجزء كبير من المقرر واضح وسهل ولله الحمد
والاختبار كان معقووول جدا جدا
ربي يوفقكم ويسهلها عليكم