ملتقى طلاب وطالبات جامعة الملك فيصل,جامعة الدمام - عرض مشاركة واحدة

برق الحيا · 2012- 3- 11

اقتباس:

المشاركة الأصلية كتبت بواسطة واحد من الناس ؛

برق الحيا ؛

الله يعطيك العافيه على موضوعك الراقي

اولا: من وجهة نظري أن التربية هي الأساس والمعيار للطرفين ...
فاذا تربو في بيوت الأب والأم كل منهما يحترم ويقدر الطرف الآخر ...
نشأ الابناء والبنات علي ما تربو عليه ...
فالانسان يولد بالفطرة ولكن أبواه هم الذين يحددون مصيره ...
وثاانيا الزوجه لازم تعطي أهل زوجها خصوصا ً أمه إهتمام أكبر ..
اعتبره تكريم للأم اللي أنجبت وربت وشقت
بس عشان تزوجه إياها وتفوز فيه..
مهما كان أهل الزوج الكلمة الطيبه
والمعامله الحسنه تأثر فيهم حتى لو مابينوا لها..
يعني وش فيها إذا عزمتهم عندها أو شرت لأم زوجها هديه بمناسبه أو بدون مناسبة؟؟
أو حتى أقل شي تقبل عليهم بإبتسامه إذا كانت ماتقدر على المشتريات؟؟
إحترام اهله اعتبره إحترام للزوج نفسه..
الزوجه تقدر تكسب أهل زوجها بصفها ما دام كرامتها محفوظة
أما الأمور الباقيه المفروض ما تلتفت لها عشان ماتخرب بيتها وتريح زوجها...

واخيرا ؛
الكلمة الحلوة لها مفعول في كل شي
فمهما حدث ستتغير الأيام لصالحه بمعاملته
الجيدة تكسب ود من تريد

هذي وجهة نظري وتقبلي مروري..

تحياتي لكـ

نعم كلامك صحيح اخوي اذكر كنت اسمع مثل يقولونه
الكبيرات بالسن اسئل عن امها قبل تضمها
لكن لو انت ابو الزوج وشفت المشاكل تدخل بمثل المواقف هذي ؟
تشرف بتواجدك واحد من الناس والمداخلة الجميلة

اقتباس:

المشاركة الأصلية كتبت بواسطة مارياا

فعلا كنت ناوية ادخل واقول نفس هالكلام ..
الملاحظ من الردود ان لازم زوجة الابن تسوي وتضحي وتقدم ..
هالكلام مثالي ويمكن من اللي ماجربت بعدين راح يتغير كل شي ..
في أحيان كثيرة يكون البلا من أهل زوجها يعني مو متقبلينها ..

يعني مثل هالعبارة في احد ردود الاخوات

اولا هذي مو منة منها .. انه اختارتها .. يمكن الولد يبيها ..

>>الحين بتقولون هذي اكيد عيشة معاناة مع اهل زوجها

لا والله بس من الانصاف ان نتناول الموضوع من الجهتين ..
يعني في ام تغار من زوجة ولدها .. وفي اخت تغار من زوجة اخوها ووفي زوجات الله يصلحهن يغارون من اهل هالزوج ..

ولو تشوف أسباب الخلاف أشياء تافهه .. تعليق او انتقاد ع شيء تافه يمكن يساء تفسيره وتصير مشكلة ..

الدور الاكبر عند الزوج .. لما يعرف يوازن بين الاثنين وما يسمع لكلام حد ع حساب حد .
. ومن الاخر السكن المستقل يختصر كثير مشاكل ..

قلت في اول رد .. علاقة يبي لها حذر وذكاء في التعامل ..
يعني الزوجة لا تحط في بالها انها في معركة ..
واهل الزوج يخفونها شوي هي توها جديدة ويبي لها وقت ع ماتعرف اطباعهم ..

عذرا ع الاطالة ..

والله بعض الاحيان الزوج مايدري وش يبدي
الزوج الي بالظروف هذي غالباً تعبان نفسياً
انا برأيي ان الزوج يقدر يتصرف اذا كان الخلل من الزوجه ويكون عنده اختيار بالحل لكن اذا كانت زوجته طيبه ويحبها وصارت الاساءة من اهله بالحاله هذي والله اعلم يحتار ان خلى زوجته تقطع اهله شينه وان صارت تجي لاهله صارو يهينونها ويجدعون كلام عليها
برأيك ماريا بالمواقف هذي يستطيع الزوج يكون حازم مع اهله بحيث ينصف زوجته ؟
او ماهو دور ابو الزوج بالمشاكل هذي تعتقدين ان له تأثير اذا تدخل؟

اقتباس:

المشاركة الأصلية كتبت بواسطة ثلوجه الخجوله

سبب إنهيار بيوت الزوجيه الأن بعد قضاء الله تعالى وقدره هي
المشاكل الدائمة بين الزوجه وأم زوجها وأخواته ..
تجدنهم منذ الأيام الإولى للزواج يبداء بعضهم يتربص ببعض وكأنهم خُلقوا أعداء ..
فتجدين الزوج دائما ضائع بين أمه وأخواته وبين زوجه وأولاده من جهه ..
لمن يسمع .. !! ومن يصدق !!
.
.
وعلى النقيض بيوت ماشاء الله تعمرها الرحمة والايمان ..
لأن الكل عرف حق الله تعالى وحق أهله ..
فلا أم تتدخل بحياة أبنها حتى تحصل التفرقه والطلاق .. !
وزوجه تتقي الله بأهل زوجها وبالاخص أمه ..
و زوج يعرف حق أمه وحق زوجه وأهله ..

يسلمو ع طرحك المهم

ثلوجه الخجوله
صحيح كلامك ام الزوج هي كل شي بحياة ابناءها المتزوجين والغير متزوجين
ولي اشوفه ان المواضيع هذي مهمه لتبادل الخبرات فيها لترسخ في الذهن
لان كل وحده فيكم مصير اولادها بعد عمر طويل يتزوجون ولتعلم ان بيدها هي ان تجعل بيتها وبيت ابنائها وبناتها جنه يكون بينهم الود والرحمة او يكون عكس ذلك
وايضاً الرجال ان نقف مع من له الحق سواءا زوجة الابن او الام وبناتها
تشرفت بمداخلتك الجميلة والمفيدة ثلوجه