تـَـسْـــدِيــد ْ الــرُّســــــــــوم ْ ..










الحمدلله دفعت يوم أمس السبـت 9 / مـارس رسوم الجامعه للكورس الحالي ,

و بـصراحه من الأمور اللي تعجبني في الجامعه (بعض الأحيـان) هي عدم إلتزامهم بالمواعيد ,

يعني آخر موعد لـ سداد الرسوم كان في تاريخ 20 / فبرايـر ,

و كان فيه تحذير إن اللي ما يدفع قبل هـ التاريخ راح يسحبون مواده و يحرمونه من الكورس !!

و لكن شيء من هذا لم يحدث , و سدّدنـا يوم أمس و إرتحنـا و إفتكينـا ..





ــــــــــــــــــــــــــــــــــــــــــــــــــ ـــــــــــــــــــــــــــــــ
هـَــمـْــــــــــــــــسْ الــــحـًـــــــــــــــــــــــــــــــرُوفْ
ــــــــــــــــــــــــــــــــــــــــــــــــــ ـــــــــــــــــــــــــــــــ




طريقة التسديد الجديده مريحه للجميع ,

ما عدا اللي مو سعودي و ما عنده حساب في بنك سعودي أو بطاقة سحب آلي صادره من بنك سعودي ..

و هـ الشيء عانيت منّه كثيرا ..!!

في الكويـت ما عندنا فرع لأي بنك سعودي ,

عندنا فرع للراجحي و لمـّا رحت له عشان أفتح حساب قالوا إن ما لهم أي علاقه بـ راجحي السعوديه إلا بـ الإسم فقط ,

نظام البنكيـن منفصل , و لحد الحين مو معروف إذا راح يتم الربط بينهم أو لا ..!!

يعني اللي يفتح حساب عندهم ما يقدر يستفيد في أي شيء لا بالتحويل و لا بـ الدفع المباشر بـ النت للـسعوديه ..

و لـهذا ..

كان لازم أروح للسعوديه عشان أفتح حساب لـ تسهيل تسديد رسوم الجامعه , و أيضا إحتياطا للمستقبل ..

و يوم أمس رحت للخفجـي مع صاحبي بـدر لأنه هو أيضا يبي يفتح حسـاب ,

و مرّينـا 5 بنوك هي الرياض , الراجحـي , العربي , الأهـلي , البلاد ..

بنك الريـاض ماشاءالله تبارك الرحمن زحممممممه , أخذنا رقم و كان قدّامنـا 150 مراجع ..!!

والموظفين تعاملهم حلو و لكن عشان يخلّصون مراجع يبيلهم نص ساعه ,

و إذا راح ننتظر إحتمال يجي بكره و ما خلصنـا ..

طلعنـا منّه و رحنا للراجحي و يا دافع البلاء يا الراجحي .. النفس شينه و التعامل أقشر ..!!

رحنا للعربـي و قالنا الموظف أعطيكم موعد و أحاول أقـرّبه لكم .. حسّسنا إننا داخلين عياده مو بنك !!

قلنا له يا الحبيب نبي نفتح حساب الحين و أوراقنا جاهزه و فلوسنا موجوده .. حق شنو الموعد و التعطيل الزايد ؟!!

و صار يقولنـا عن نظام حافز و إنه مسوي لهم زحمه و شغلهم صاير بالمواعيد .. و البنك أصلا كان فاضي ,

ما فيه الا إحنا و الموظفين !!

و رحنا بعدها للأهلـي و اللي كان تعاملهم حلو لكن للآسف ما كان مكتوب لنـا نفتح عندهم حساب ..!!

و بالأخير رحنـا لبنك البلاد و هـالبنك تعامله و تعامل موظفينه راقي جدا جدا جدا ,

في الراجحي لمّا دخلنـا و سلّمنا محد ردّ علينا السلام ,

و في البلاد الموظف يجي لي عندنا و يسلّم علينا و يسألنا شنو نشرب قبل لا يعرف شنو المعامله اللي نبيهـا !!

بـصراحه كنـّا فاقدين الأمل إننا راح نقدر نفتح حسـاب .. خصوصا بعد سالفة الموعد اللي في بنك العربي !!

و لكن بنك البلاد الله يجزاهم خير سهلـّوا كل شيء و خلصّوا أمورنا و فتحوا لنا حساب و عطونا بطاقات السحب الآلي ..

و كل هذا في أقلّ من نص ساعه ..

لو كنـّا ندري عن هـ الشيء , كان وفـّرنا على نفسنا التعب و " الفراره " على البنوك الثانيه ..!!





ــــــــــــــــــــــــــــــــــــــــــــــــــ ـــــــــــــــــــــــــــــــ
هـَــمـْــــــــــــــــسْ الــــحـًـــــــــــــــــــــــــــــــرُوفْ
ــــــــــــــــــــــــــــــــــــــــــــــــــ ـــــــــــــــــــــــــــــــ







بعد ما خلّصنـا " زرقنـا " لــ بر النعيريـه و مرّينـا نياق صاحبي بـدر ..

و اللي فوق صورة وحده من النيـاق ..

فيه بكـره جميلـه , حاولت أصوّرهـا و لكن ما قدرت !!

كانت محطوطه في شبك البكـار و كان فيه 5 بكرات غيرها ,

و وين ما يروحون البكرات تجي هي وتحشر روحها بينهم عشان ما تبيّـن ..!!


و بعدها رحنـا نشوف الغنم و المعزه و اللي كانوا تقريبا 100 راس ..

و كان بينهم جفـر مهو صاحي , جنـّنـا الله يجنـّنـه ..!!

من جينا و هو يفتر علينا و يحاول " يعضّ " ثيابنـا ..!!

و لما ركبنا السيـّاره نبي نمشي صار يفتر ع السيـّاره يبي يركب ويـّانا ,

يا ليل الـليل من وين طلع لنا هالجفر المصرقع ..

و ما إفتكينا منّه إلا بعد ما امسكه الراعي و حطّه في الشبك ..!!

هاذي صورته :

[/ALIGN][/CELL][/TABLE1][/ALIGN]