ملتقى طلاب وطالبات جامعة الملك فيصل,جامعة الدمام - عرض مشاركة واحدة

مارياا · 2012- 3- 11

اقتباس:

برأيك ماريا بالمواقف هذي يستطيع الزوج يكون حازم مع اهله بحيث ينصف زوجته

يمكن يتفسر هالحزم على انه "زوجته غيرته علينا او تشيشه علينا "
شخصيا مااحب هالطريقة الا اذا كان عنده أخت قريبة منه ومتفهمة ممكن يوصل لها انه يبي يعرف وش المأخذ اللي عندهم ع زوجته ويبين لها انه راح يكون محايد بينهم
لكن مثل ماقلت لك ممكن تزيد الحساسية بينهم

"روح بعيد وتعال سالم"
ارجع واقول الاستقلالية في السكن تختصر كثير .. حتى لو كان في تواصل راح يكون يوم او يومين خلال الاجتماع العائلي وحتى لو سمعت كلمتين تطوفهم لهم مو مشكلة ,,

اقتباس:

او ماهو دور ابو الزوج بالمشاكل هذي تعتقدين ان له تأثير اذا تدخل؟

مدري انا من خلال اللي شفته وسمعت فيه غالبا ابو الزوج عنصر محايد وممكن يكون أحن ع زوجة ولده من الام ..
وافضل انه لايتم اقحامه في مثل هالمشاكل

حابة اوضح انا مااقصد ان كل المشاكل من الاهل
في زوجات مفتريات وتألف كلام وتكبر القصص عشان تغير زوجها ع أهله
وفي أهل طبعهم صعب والتعامل معهم أصعب ..
حتى لو كانت بنت عمهم

أهم شي هالمواقف ماتوصل للأطفال في النهاية مالهم غنى عن عماتهم وعمامهم ..

كلا الطرفين لازم يتقون الله في هالشاب وفي عيالهم
بكره هالزوجة بيجون لها ابناء ممكن يسيؤن لها مثل ماكانت تسوي
وهالأم بناتها راح يتزوجون وممكن يتكرر لهم نفس اللي يسوونه

عذرا للاطالة مرة ثانية
لكن الموضوع ممتع واسلوبك راقي في الطرح
احييك عليه ..