ملتقى طلاب وطالبات جامعة الملك فيصل,جامعة الدمام - عرض مشاركة واحدة

لوجي الشرقية · 2012- 3- 13

اقتباس:

المشاركة الأصلية كتبت بواسطة jamilah ~♥

عليكم السلآم ورحمة آلله ..

آنتقآء موفق للموضوع

كـ عضوه بفر يق تطوعي يهدف لنفس الفكره بقولج أصل المشكله :

×~ جزء من المشكله بسبب تقعس الطلاب\ الطالبات .. تقليلهم من شأن انفسهم !

يعني جيل متخرج من " مذاكرة اوراق المراجعه والملخصات " بيكلف نفسه يبحث عن أصل شي او حقيقته !!؟
يبون الرآحه وبس ..!

[ وهالفئه - اللي تبي الرآحه وبس - حاليا كـ طلبه يشتكون من تسيب المسؤولين , هم بكره بيدورون على وظيفه مريحه و بيصيرون المسؤولين المتسيبين ] !

فئه أخرى .. مهمّشه نفسها وهي بكبرها " ثروه وطنيه " !!

بس خلاص عقلها الباطن متعود على هالكلام " زين منج تتخرجين ولا .. لا تتعبين حالج مصيرج ببيت رجلج ... آلخ " :looking_anim:

بأختصار يَ [ كسولين ولا مهمشين محطمين ]

وَ حلّهم [ إن الله لا يغير مابقوم حتى يغيروا مابأنفسهم ]

×~ النصف الآخر من المشكله ..

مآفي جهه تتبنى العقول المبدعه ! واذا وجدت فتراها مجهوله ماتكثف نشاطها

لي صديقه من ايام الثانوي سوت اختراع بسيط .. يمكن يكون غبي

بس كـ خطوه .. اعتبره شي جميل

اخترعت فرشاة اسنان .. بمجرد ماتشيل غطاها وتفرش يطلع المعجون تلقائي من الفرشه

مصيره .. مجهول .. صارت تقول [ كان ] عندي اختراع

لازال فيه مخترعين ومبدعين ..

أكاديميا .. للتو شاركت بمؤتمر طلآبي " كآن فيه كم هآئل من الابداع الغير موجه توجيه صحيح "

تحسين اطالبات فيهم طاقه .. بس ودها خبراء متمكنين يقولولها عدلي هذا وصححي هذا ويصير توب !

اجتمآعيا .. ولد بالحآره ما حد قبله بعد تخرجه بالرغم من أن والدته واخواته يقولو انه عبقري !!

وانا ما اطلع من بيتنا الا اشوفه ناشب تحت سيارته .. اسئل اخواني اقول هذا وش يسوي

قالو هذا فكك سيارته واعاد هيكلتها من داخل :looking_anim:

شوي شوي .. قلب كراج بيتهم مثل الورشه .. صار خبير ومختص بدون شهاده

بس عاف الشغله بعد ما اصطفت عنده السيارات وصار يصلح لهم بالمجان

مهمآ كآن صديقهم او يعرفونه .. حلو الوآحد يحس بقيمة شغله

القائمة تطول ......

لوجي يصير تسألين أي احد يرد بالموضوع .. تقولين له طوال مسيرة حياتك .. كم مره أعددت بحث كامل بنفسك !!!؟

للحين المدرسات الخصوصيات من الجنسية المعروفه .. يستغفلون الطالبات بمبالغ ضخمه عشان بحث ! ولا عرض بور بوينت

أبي أفهم ..! أحد يبخل على نفسه بمعلومه يكتسبها لو بذل شوية جهد بالبحث :looking_anim:

الأمر محزن بس فيه بوآدر طيبه ..

معذره ع الآطآله

لآمستي الجرح

آآهلا بك ..

انتي آستوفيتي الموضوع بكل جوانبة وآسآلتة
وفعلا زي مآذكرتي اما محطم / متكاسل / متكل ّ

وولد الحآرة في كثير زية مبدع من غير شهادة لكن / لمآ يتقدم لاي جهة حكومية

اين الشهادة !!!

للاسف / يجيك شخص خريج امريكآ ومآيدري وين الله حآطة وشخص عبقري زي ذآ
ومآمعه مؤهل زي الاخر ويفضل الاخر دون نقآش ,,,!!!

االعقل / الخبرة / الشخصية تفوق احيآن شهادات عظمآء

يوجد البعض لدية شهادة ولكن ضعيف شخصية كيف يتعامل مع العملاء؟؟؟

للاسف قضية آخرئ

+ بحث مستوفي الشروط قليل من يتقنة

انا ارئ فيك روح طموحة تحبّ العلم
اتوقع عندك ابداع بمآ انك مع فريق تطوعي ..

ششكرآ لك

+