[ مُميز ] : طاري الأحــــــلام
/
ياللّي على طـــاري الأحـــلام جيتيني
.... مابين علم الخيــــــال وصحـــوة الغافي
***
أجّلت نومـــــــــــي على شانك تمريني
..... وأسهرت عينــــي معاي ونومها لآفي
***
والليل طوّل وطـــــــــول الليل يشقيني
.... والصبـح كفكف ظهوره قبل ينشافي
***
حتى الخــــــلايا بجسمــي تنتظر فيني
.... تسرح وتمرح على طاريك بإشرافي
***
والكل حولي بعد ماصـــــــــار يعنيني
..... حلمي وأشوفه على تفسير عرّافي
***
واليوم مر الزمـــان وقلت يمدينــــــي
..... أرجع وأراجع حلـــــوم الليل لآطافي
***
لآقلت وينه يرد البعــــــــد ياوينــــــي
.... والليل موحـش وحلمه مابعد ظافي
***
والقلب عيا مع الأحــــــــــزان يفتيني
.... إما يجيز الفراق ويفضـــــح الخافي
***
والآ يرده مع الإكــــــــــــراه ياعيني
..دامي عشقته وعشته جـوع بإسرافي
***
ياهيه.يكفي عذاب البعـــــــد يكفيني
.... الجرح باقي وباقـــــــي نزفه الدافي
***
إما يجـــــــــي حلمها بالليل وتجّيني
.... وتترك طريق المفارق دامنـي وافي
***
والآ عليّ الحــــــــــرام ودينها ديني !!
....لأسقّيه مُــــر الفراق وسمّه الصافي.؟
/
سلطان الصقر،
التعديل الأخير تم بواسطة [ قايدة الريم ] ; 2012- 3- 13 الساعة 03:59 AM
سبب آخر: إضافة تميز
|