يا فهـــــــــــــــــد
يا فهد لاانشدووك وش قصته منطوي
قل لهم ما بقى بقلبه للسعاده مكان
اختلف عقب ماهو كان شخصٍ سوي
وانحرف عقب ماهو بقمة الاتزان
ماهم اللي يقولون البقى للقوي
لو تراهنت معهم قدكسبت الرهان
والله اني قوي . . لاشك ماتستوي
قوةٍ مع خيانه من عطاك الامـان
امس طاح الوفى من دون صوت ودوي
طيحةٍ ماسمعها الا الزمن والمكان
يوم جتني من اقرب صاحبٍ تلتوي
كل شي تحطم في عيوني وهــان
طعنةٍ من خوي ٍفي زمن فوضوي
لا كتمها خفوق ولا نطقها لساان
قبلها كان لي خفوق صادق يحتوي
نص كله وفااا والنص الاخر حنان
وعقبها كن وسطه ذيب غدر يعوي
منه بيض النوايا استاحشن يافلان
بيضَ الله وجه الموقف الملتوي
يوم بين رفاع ويوم بين طمـان
يا فهد كن رجلي في فليب تهوي
غشني جالها ماكنت اظنه دفان
غلطتي دنيتي ماعشتها فهلوي
كان ماخانت الرمله يدين الحصـان
يا فهد شفت طعنات الخوي للخوي
مالها بالوصوف الا طعون الزمان
آآآه وان جتك طعنه من يدين بدوي
مابقى للمراجل ، في زمنا أمــان
وسلامتكم
ودمتم ...
اتمنى تعجبكم /اختكم أمووور
التعديل الأخير تم بواسطة [ قايدة الريم ] ; 2012- 3- 13 الساعة 05:37 AM
|