ملتقى طلاب وطالبات جامعة الملك فيصل,جامعة الدمام - عرض مشاركة واحدة

NOW OR NEVER · 2012- 3- 13

اقتباس:

المشاركة الأصلية كتبت بواسطة بنت الخبر@

الانسان اذا عصب مايقدر يتحكم بنفسه وقت ماينفجر

وعجبني

واذا دبغته في العمل فيها فصل

يعني عادي السب

يعني اللي فهمته اذا مايستاهل المدير انك تعتذرله ماراح تعتذر

يعني كويس اذا فصلت تقدر تدور شغل بسرعه

ما راح افصل على سب

نظام الموارد البشرية عندنا واضح

اقتباس:

يتم فصل الموظف اذا اعتدى بالضرب على رئيسه المباشر ومن اعلى منه في التسلسل الهرمي اثناء العمل او بسببه

هذا النظام عندنا وتم اضافة او بسببه لان الشباب في المناطق النائية كان الواحد فيهم اذا تهاوش مع الرئيس الصبح ينتظره برى البوابه يعني على ما قالوا في الهده ويتوطى في بطن الرئيس ويتحول الموضوع للشرطه والشركة مالها علاقة بالموضوع لان المشكلة صارت خارج حدود الشركة.

اذكر اول ما توظفت كان عندنا (مهندس اعلى) شايب باكستاني الله يذكره بالخير ,كان كل يوم الصبح يلطش في مهندس ونسمع صراخه من اول السيب.

انا سئلت رئيسي المباشر وش قصة هذا ؟قال هذا حار كان ضابط في سلاح المهندسين في باكستان قبل يجي السعوديه (وانا اقول في بالي يعني عاد الموظفين عسكر )

صراحة ما جاز لي اسلوبه ابد.

المهم صار اجتماع طارئ وحضرنا كلنا وانا احدث موظف واصغرهم وكلهم مهندسين الا انا ناشب بينهم الفني الوحيد الفطفوط 21 سنه

جاء دوري في الكلام واقترحت شغلة بسيطه تتعلق بعملي انا فقط .

قام شب فيني وقال لي انت هنا ما تجي تقترح تسمع الكلام وبس

(قلت في نفسي الله جابك ...تحسبني زي هالدجاج اللي تصارخ عليهم ويسكتون.)

رديت عليه انا هنا في اجتماع ومن حقي اقترح محنا عسكر عندك(في باكستان) تقعد تصارخ عيب احترم الناس تحترمك.

رد علي اسلوبك هذا يصلح لسوق السمك مو عندنا في الشركة؟

رديت عليه. وانت اسلوبك يصلح لو حنا عبيد عندك وعند اهلك..حنا هنا موظفين منا بعبيد .تسنع احسن لك

طبعا تدخل الشيبان في هذه اللحظة وهدوا الموضوع وقالوا لي تعوذ من ابليس ما صار الا الخير . انتهى الاجتماع وطلعت .

كل اللي راح بالانجليزي اللي مدري منوين طلع بس جا في وقته

طبعا سويت الاقتراح اللي كان براسي (طرق)عليهم كلهم ولا احد قال برم

صراحة قهروني لاني سويت الاقتراح عناد وطالب حرش.وما قالوا شي .

بعدها بيومين رحت وقلت له ابي اجازة 5 اسابيع قال سم ابشر..وقهرني زود كنت ابي اطبق بحلقه لو قال لا

وجيته قبل اجازتي قلت ابي درجة لاني بستحقها قريب ولا فيه فيه القسم مسمى بناسب درجتي الجديده...قال ابشر ولا يهمك انت روح اجازه ويكون خير

قهرني كنت ابيه يقول لا في اي طلب عشان اطلع حرتي فيه.

طلعت اجازه وفليتها

ويوم داومت الا التقييم جيد جدا(2) والدرجة جات قلت الحمد لله ..

حطوني مسمى وظيفي جديد بس عشان يعطوني الدرجة .

رب ضارة نافعه

وبعدها صرت انا عنده احسن واحد الين تقاعد بعدها بسنتين او ثلاث

هذا على طاري الاعتذار

ويحصل كثير ان اعتذر من اي شخص بالعمل اذا صار بيني وبينه مشاده كلامية وكنت مخطئ.

شطحت شطحه رهييييبه

بس للعلم ما اعتذرت منه

لاني ما كنت مخطي

شكرا جدا أوي