المنفعه الكليه
هي مجموع المنافع الي يستمدها الفرد من استهلاك عدد من وحدات سلعه او خدمه معينه
يعني مثال البرتقال
انت اذا اكلت برتقاله وحده تستفيد منفعه
اذا زدت برتقاله ثانيه تزيد لديك المنفعه
عدد البرتقال هذا يسمى وحدات الاستهلاك
فانت كل ماتزيد وحدات الاستهلاك اللي هو عدد البرتقال تزيد المنفعه
هذي المنفعه الكليه
طيب شلون وحدة قياس المنفعه كيف اعرفها ؟
يقولك مافي وحده قياس محدده لانها تختلف من شخص لآخر
لانه لو جيتني انا والله مابي برتقال
انا ابي تفاح هو اللي يفيدني
فانت ماتقدر تقيس منفعتي من البرتقال وانت ماتعرفني لاني انا ااصلا ماحب البرتقال
واتحسس منه فكل شخص ادرى بنفسه وادرى بالمنفعه التي تأتي اليه
طيب نجي لمثال عمار
والجدول هذا اللي مصلحينه لعمار افتراضي لان حنا مانقدر نقيس وحدة المنفعه زي ماقلنا
لكن مجرد افتراض عشان نتعلم فهو معيطنا المنفعه الكليه لنا جاهزه بالجدول
نشوفها
ملاحظه مهمه جدا جدا بالجدول
الان تشوفون اول شئ وحدة الاستهلاك 0 اي كمية الوجبات 0 يعني هذي الوحده الاولى او رقم 1
وتشوفون وحده الاستهلاك 1 اي كمية الوجبات 1 هذي الوحده الثانيه او رقم 2
لاتلخبطون بين عدد الوحدات المستهلك اللي هي الكميه وبين الترقيم
سواء حطينا رقم 1 او الوحده الاولى
الان اللي معلم بالاخضر
منفعة عمار من وجبه واحده اي وحدة استهلاك واحده = 75
طيب منفعة عمار من وجبتين وحدتين من الاستهلاك = 117
طيب منفعة عمار من 7 وجبات اي 7 وحدات من الاستهلاك= 243
وش نلاحظ هنا ؟؟
انه كل مازادت وحدات الاستهلاك (عدد الكتب ) تزداد المنفعه الكليه
نجي للمنفعه الكليه لعمار من الكتب
لاحظ انه المنفعه الكليه تختلف عن وجبات الافطار فكل سسلعه لها منفعه
غير عن الثانيه يعني
وحده من الطعام =75 منفعتها الكليه
لكن وحده من الكتب = 50 منفعتها الكليه
الوحده= عدد
الان عمار
عند استهلاكه 5 كتب منفعته الكليه =175
الان بنرسم منحنى المنفعه الكليه
المشكله ان المثال والجدول مايعطينا صوره واضحه نرسم فيها المنحنى
لذلك باستعير مثال من الدكتور نسوي عليه رسم المنفعه الكليه
الان اذا الواحد عطشششششششان موت وبعز الصيف
وجبت قدامه 5 اكواب ماء
الاول بيشربه وبيستانس وبيروي عطشه وزادت المنفعه له
الثاني نفس الشئ لازال عطشان ويرتوي ويعوض السوائل فزادت المنفعه له
الثالث لما يوصل للكوب الثالث يغصب نفسه ويشرب وزادت المنفعه قليلا له
الرابع هنا يوقف يقول ماقدر اششششششرب ابد يعني لو يشرب الحين ماينفعه
لانه اكتفى فمعناتها وصل حده الاقصى من الكوب الثالث وبدأ بالنقص
من الرابع تنقص المنفعه له وهنا يبين لنا رسم منحنى المنفعه الكليه
لو تلاحظون العمودي هو المنفعه الكليه
والافقي عدد اكواب الماء
والمنحنى يبدأ من الصفر لاكواب الماء والصفر للمنفعه
ثم يرتفع حتى يصل لحده الاقصى 3 اكواب
ثم يبدأ بالتناقص
اتمنى يكون واضح وهذي المنفعه الكليه