لا يابنات ماعليكم احنا مستحقين حافز انا بنفسي اليوم رحت لميسون وقالت لي انو نظام البيبل سوفت لما اضافنا ماكتب عندنا لامنتسبه ولامنتظمه عرفتوا لازم احد من اهلك يروح لجامعة الدمام اللي باراكه اللي سابقا كانت جامعة فيصل ويدخل على عمادة القبول والتسجيل ويصححون بياناتك من عندهم ويرفعون لحافز علشان تصرف لكم
وبالنسبه للي قالته الصمت الحنون انو بس للانتساب المطور انا كلمتهم في حافز كذا مره وقالوا لي انتي مستحقه وحتى ميسون اليوم قالت لي
على فكره انا نزل لي شهرين ووقفوه بعدين مالت عليهم هالكليه كل شي فيها يفشل وغلط بغلط لاكوادر تعليميه عدله لامنسوبات اداريات اخلاقهم زينه التسجيل للمواد يجي بعد طلعت الروح والنتايج ماتطلع الا وانتي خلاص كرهتي حياتك غير المرمطه لما تبين تستفسرين عن شي مايخلون غرفه بالكليه الا ويدخلونك عليها
وفوق كذا منحة الملك ماصرفت لنا والوثقه بالموت تطلع يمدي الفرصه الوظيفيه تفوتك وهم لسى ماطلعوها ولافيه ترم صيفي حالنا حال الجامعات العدله والحين حتى حافز بعد مايبون يمشونه لنا
استغفر الله العظيم الواحد مايقول الا حسبي الله ونعم الوكيل حسبي الله على كل انسان ماادى عمله بذمه وضمير