عجزت أحدد إحساسي ....~
عجزت أحدد إحساسي ,,, وألم شتاته المنثور
وأرسم بالحروف شعور,,, بات سنين مزعجني
شعور قاسي طبعه... وأنا في قسوته مأسور
مثل طعم القهر وأكثر,,, بغيمه حيل خانقني
أبشكي لك أحاسيسي تبي تطلع تشوف النور
ولكن قسوة بعادك,,,, تعاندها وتقهرني
أبي أضحك وأبي أفرح
أبي أمشي كما المغرور
ابي أمزح معك وأحكي
وقلبك بس يسمعني
،،،،
وأبي أبكي مثل طفل
يصيح وخاطره مكسور
ولامن شفتك أشكي لك
بعادك كيف عذبني
،،،،،
وأبي أسكت وأسمع لك
وأناظر بالعيون الحور
أبي أسرح مع همسك
إلين الهمس يسحرني
أبي أحس بوجودك,,,, وأبيك بدنيتي كالنور
أخاف أن طالت الظلماء ،،،، يصير النور يزعجني
أبي لوبس تفهمني ،،،،، وتعرف ليه أنا مقهور
وأحس إني من عنادك،،،، أحاسيسي تعاندني
وأحس بطيبتك قسوه ،،،،،ترعب حبي المذعور
وتهدم كل آمالي،،،، بلحظه ثم تهدمني
أبي أرضيك رغم إني ،،، أبات وخاطري مكسور
وأبي أرضيك لوهمي،،،، من الأفراح يحرمني
ولاأبي منك غير إنك ،،،، تحس بقلبي المجروح
وتستوعب مدى الحرمان يوم البعد قاتلني
