كني اللي ماكتبت اللي مضى
وأخرج لبوابة الليل الأخيره
ارتسم وسط الملامح
واتسوّل هالفضا
في عيونٍ حزنها ماقد قضى
وأفتح الباقي بلعنة هالسفر
وارجع ارتبني .. رضا
وكني اللي ماكتبت اللي مضى
طيب البارح
رسمت وجيه من غابوا
على شرفة منامي
وكنت اسولفهم عليهم
ينعسون
يفكرون بأرض غير الارض هذي
يفكرون بمن يحبونه هناك

وكنت افكر :

ليه يعني كل صبح
انزع تجهم وجهي المتعب
وأرتب فـ المرايات ابتسامي
ياكلامي .. !
ليه يصبح هالورق بيّدي دامي .. ؟!
ليه اعلق وردة اللاشيء ..
في صدر اهتمامي .. !
ليه اكتب شعر اصلاً .. ؟!
طالما يتحدد التدوين / لأصحاب الأسامي .. !