محاسبة 2
الحلقة 2
-----------------------
الجزء الاول :
تاريخ اليوم 1/6/1433 استاجرت شقة لمدة سنة ب 12000 ريال وعطيتهم المبلغ كاش
كيف يكون حسابها هنا؟
المبلغ اللي دفعته هذا حق 12 شهر ومع نهاية السنة اكون خلصت 7 شهور وباقي لي 5 اشهر
اللي خلصته 7 شهور حسابه 7000 ريال هذا يعتبر مصروف ويروح لملخص الدخل ضمن المصروفات
الباقي اللي هو حق 5 اشهر حسابه 5000 ريال هذا يعتبر حقي للسنة الجاية يعتبر اصل متداول ويروح لقائمة المركز المالي واسميه مصروف مقدم ( لاني اعتبر نفسي دافعه مقدم )
********************
الجزء الثاني :
تاريخ اليوم 1/6/1433 وعندي شقة أجرتها على مواطن ب 12000 ريال لمدة سنة وسلمني المبلغ كامل
كيف احسبها؟
مع نهاية السنة مبلغ ال 7 اشهر حسابه 7000 ريال يعتبر حقي ويروح للايرادات في ملخص الدخل
والباقي اللي هو حق 5 اشهر يعتبر حق للمواطن لانه ممكن يطلع ويقول رجع الدراهم المبلغ هذا يروح للخصوم المتداولة واسميه ايراد مقدم
-****************************
الجزء الثالث :
تاريخ اليوم 1/6/1433 استاجرت شقة ب 12000 ريال لمدة سنة ولا دفعت له ولا فلس
كيف احسبها ؟
في نهاية السنة علي حق 7 شهور حسابه 7000 ريال ( دين علي ) يروح للخصوم المتداولة باسم مصروف مستحق
****************************
الجزء الرابع :
تاريخ اليوم 1/6/1433 اجرت مواطن شقة لمدة سنة بمبلغ 12000 ريال ومادفع لي شي
كيف احسبها ؟
في نهاية السنة يصير على الموا\ن لي 7000 ريال حق 7 اشهر يروح بالنسبة لي في الاصول المتداولة باسم ايراد مستحق
*****************
الخلاصة :
* اي شي من حقي يعني لي له عدد من الاحتمالات :
1- استلمته وقدمت الخدمه في مقابله يعتبر ايراد ويروح في الطرف الدائن لملخص الدخل .
2- استلمته ولا بعد قدمت الخدمة في مقابله يعتبر خصم يعني ايراد مقدم ويروح في الخصوم المتداولة بقائمة المركز المالي .
3- مابعد استلمته ولكني قدمت الخدمة في مقابله يعتبر اصل يعني ايراد مستحق ويروح الاصول المتداولة في قائمة المركز المالي
* اي شي صرفته له عدة احتمالات :
1- صرفته واخذت الخدمة مقابله خلاص يعتبر مصروف ويروح الطرف المدين في قائمة الدخل .
2- صرفته ولا بعد اخذت الخدمة خلاص يعتبر اصل ويروح مصروف مقدم في الاصول المتداولة
3- مادفعت ولكني اخذت الخدمة يعتبر خصم يعني مصروف مستحق ويروح الخصوم المتداوله في قائمة المركز المالي
*************************
العصارة :
مصروف مقدم : دفعت ولا اخذت خدمه -------------- اصول متداولة
مصروف مستحق : مادفعت واخذت الخدمة ------------- خصوم متداولة
ايراد مقدم : استلمت ولا قدمت خدمة ---------------- خصوم متداولة
ايراد مستحق : مااستلمت وقدمت خدمة -------------- اصول متداولة