|
رد: يوم أني توهقت صديقتـي أقلعت !؟ هذي الدنيــــا موااااقف
حيّ الله وزيرة :*
ذَكرت موقف صار لي في أول ثانوي ، من المواقف اللي مابنساها أبد !
في حصة الانقلش كنت ناسية الكتاب وواقفه !! وكان في بعض الطالبات واقفات عشان ماحلو الهوم وورك ...
من سوء حظي طبعاً في هاليوم كنت ناسيته 
المهم كانت الإستاذة تلف ع الطالبات تشوف الهوم وورك ، وأنا ياعيني ألف لهذي اكلمها وهذي أضحك معها اووم الفله ولا كأني واقفه معاقبة 
شافتني الاستاذه كذا وقالت : بعد على شينه قوات عينه !! >>>   إنجرحت في الصميم
قصدها اني مو فالحه في مادتها وكذا
أنا ماقول إني دافورة بس الانقلش من المواد المحببه لقلبي وأعتبر نفسي ممتازه فيها ... كون إنها (الاستاذه) مو منتبهه لي هذا لا يعني إني مو ممتازه في المادة !
للعلم إنها كانت جديده ولسه ماحفظت أسماء الطالبات وكذا ..
المهم أنا سكتت وقعدت
بدت تشرح الدرس الجديد . ماريد أبالغ بس كلما سألت عن شي في الدرس ماكان أحد من الطالبات رافع يده
الا أنا  حسيتني دافورة من جد وقتها
قمت جاوبت تقريباً خمس مرات وكل مره الاجابه صح . .
حسيت بالإنتصار  
حتى الطالبات يطالعوني مستغربين !
-
هذي مره من المرات النادرة اللي أشارك في الفصل أنا عادةً في الورق أفضل 
....
|