قصة لها علاقة بالموضوع :
كنت جيعان مره ومافي جيبي الا 10 ريال وش تقول وش تقول ماينفع الا بوفيه
دخلت البوفية يقول الساندوتش بريالين والشاهي بريال واقعد افكر وش الافضل
4 ساندويشات و2 شاهي والا 3 ساندويشات و 2 شاهي و2 ماء
طبعا على قد الفلوس اللي معي
وفي الاخير اخذت 4 ساندويشات و 2 شاهي
كنت جايع مره
حين اكلت الساندويش الاول حسيت انها سدت نص جوعي ولنفرض ان المنفعه الحدية 50
حين اكلت الثانية اكيد ماراح تكونمثل الاولى سدت 30% وتصير المنفعه الحديه ( الخاصة بالساندويشة الثانية ) 30 وتصير المنفعه الكلية ( الخاصة بالساندويش كله اللي اكلته ) 80
حين اكلت الثالثة ماخلصتها الا بالغصب وكانت منفعتها الحدية 20 بكذا تصير المنفعه الكلية 100
جيت اكل الرابعه وصار عندي تخمه وانتفاخ في البطن وتعب معناه انا ماانتفعت ولتكن المنفعه الحدية هنا صفر بكذا تصير المنفعه الكلية 100 .
جاء ابو اسامه وحلف وطلق الا اكل ساندويش وبعد مااكلتها رحت المستشفى معناها مرضت ماانتفعت ولتكن المنفعة الحدية هنا -10 معناها الكلية بتنقص وتصير 90
---------------------
لاحظ من قصة المطفر اللي فوق الاتي :
1- شفنا المنفعه الحدية متناقصة ( 50 ثم 30 ثم 20 ) والمنفعه الكلية متزايدة ( 50 ثم 80 ثم 100 )
2- ان المنفعه الكلية وصلت اعلى شي حين صار ت المنفعه الحدية صفر وبعد كذا صارت تتناقص
---------------------
باختصارررررر اخذوا المثل اللي يقول مازاد عن حده ينقلب ضده
وفسروه رياضيا