ياحبي الأول والأخير تدري بغيابك وش يصير
تظلم في عيني دنيتي واصبح بلا شوفك ضرير
ابكي وتسألني الدموع متى متى وقت الرجوع ؟
والشوق لي بين الضلوع اتعبني في غيابك كثير
وحشني صوتك يا غلاي يا فرحي وبسمة شفاي
توحشني يوم أنت معاي وتخيل إن غبت شيصير
أشوفك بكل الوجوه وبزحمة أفكاري أتوه
أنا برجا كلمة ألو تجبر بها قلبي الكسير
يا حبي لا لا لا تغيب وإرجع لي يا أغلى حبيب
في غيبتك كني غريب أمشي ولا ادري وين أسير
يظلم في عيني كل شي ما عدت أرى في دبي ضي
والشوق لك يقسى علي وأنا بدونك مو بخير