غيابك حبيبي عن عيونـي عـذاب وجـور
واذا ما تصدّق شوفني وش حصل فيّـه
مجرّد بقايا جسـم فـي مشيتـه مجبـور
ويحمل معـه نفـس(ن) يقـول انّهـا حيّـه
وانا والّـذي سـوّاك عايـش بـدون شعـور
حيـاتـي بــلا معـنـى وحـالـي شقـاويّـه
غيابـك بنـى بينـي وبيـن البقـيـه ســور
ومــن يـومـهـا وحـــدي بـدنـيـا خيـالـيّـه
أسافر عن الواقـع إلـى العالـم المهجـور
مـع اشبـاح خوفـي والألــم والمزاجـيّـه
اصـوّر ملامـح وجهـك الغـايـب المحـفـور
بقلبي وفي قلبـي مـن الشـوق ماريّـه
أواسي بطيفك لوعة الخاطـر المكسـور
أحــاول مـعـاك انـسـى بقـايـا مـآسـيّـه
يجيني دفا همسك على عطرك المنثور
كـأن السمـا تمطـر علـى الأرض حنـيّـه
ألملـم شتاتـك كنّـي الخـايـف المـذعـور
أخــاف الـزمـن يـطـري غيـابـك بعفـويّـه
يبكّي خفوق(ن) لو بكى غيبتـك معـذور
حياتـه بدونـك مثـل ليـل(ن) فقـد ضـيّـه
حبيبي ترفّق مت مـن قسوتـك مقهـور
حـرام الـدّمـار الـلـي تسبـبـت بــه لـيّـه