السلام عليكم ورحمة الله وبركآته
بصراحه من كم يوم وأنا كثير متضايقه وترددت اني انزل الموضوع
خشية اني ما أمسك نفسي وأقول كلام أجرح فيه صآحبة التصرف السئ
بآحدى المحاضرات السابقه والمبآشرة
كنا جالسين نسأل الدكتور
فجأه الا ولد ماخذ المايك وطلب من الدكتور الاعآدة
طبعآ سؤاله ابدا مايحتاج اعاده لان الدكتور تكلم فيه بمافيه الكفايه
لكن مو عآرفه وش المقصود من هالحركه الغير محمودة
الدكتور ماقصر وعآتبه على فعلته
ولم يتيح بعد ذلك الحوار الصوتي للطالبات
وتصرف الدكتور يدل على احترامه لنا
طبعا انا فهمت انه طالب دخل بالخطأ
ورجعت اخذت الرقم الجامعي
وكلمت احدى المسؤولين بصراحة تفآجأ
وقال بتأكد لك طلع الرقم يخص طالبه
ومخليه قريبها يحضر معانا
ليه هالحركات وربي تصرفات غير لائقه
يعني انتي مارضيتي تكلمي الدكتور وتسأليه وعادي تخلي ولد يحضر معانا
ممكن أحد يقول عادي مافيها شئ وانتوا تكلموا الدكتور وكذا
لكن الحقيقه المسألة تختلف
لحد متى يابنات هالتصرفات بالمحاضرات المباشرة
واللي تقول للدكتور الطلاب يعتمدوا على اسئلة المستوى اللي قبل
هل بتجينا الاسئله منها! "
بذمتككك انتي تمزحين واللا صادقه
أتمنى منكم ترتقوا شوي وربي بعض التصرفات والاسئله جدا سقيمة ومالها اي داعي
وياليت اللي خلت قريبها يحضر معانا تقرى موضوعي
لاني فعلا تضايقت من هالتصرف
وغيري اكيد تضايق
فرجاء يا تحضرين او الله غني عن حضورك بلاش ترسلين لنا سكرتيرك