ملتقى طلاب وطالبات جامعة الملك فيصل,جامعة الدمام - عرض مشاركة واحدة - عضــــــــــو/ هـ بيــن (( قوســــــين)),,!! < مع [ now or never ]

فهد المطوع · 2012- 3- 20

اقتباس:

المشاركة الأصلية كتبت بواسطة ‏شمْوخ

من مدونتك

أول ماخطت يداك بهذا القلم . . !
لهذا القلم عشقٌ خاص لديك فمآهي الاسباب , هل لانها من شخص غالي أم لان أول كتاباتك كانت منه . . !

ماذا يفعل فهد عند العصبيه ,
موقف فعلته وأنت في اشد عصبيتك وندمت عليه ,
أبنائك هل واجهو منك صفعه وأنت في عصبيتك
زوجتك عندما تكون في قمة عصبيتها كيف بيكون تصرفك

كم مره عصبت بالسوق وقلت يلا انتو موب وجه سوق برجعكم للبيت

كل نكهه انسبها لشيء في حياتك

الملح , السكر , الفلفل , النعناع ,

كيف يكون الحب محجوب لدى فهد

الحب قبل الزواج ,
هل مازال يأسر قلب فهد بعد تلك السنين . . !

الحب وفهد << اختصرهم بشرح و بدمج من كاتب ذكي مثلك

/

أعذرني ع الاطاله

قد وقد يكون لي باك

هلا بك شموخ ..
منوره يا غالية ،،،

- هالقلم هدية من الوالد ربي يحفظه ويخليه وين ماكان .. !!
له ذكريات معي وأنا من محبين إقتناء الأقلام وأعشقها ..
وتراه ضاع وانا أختبر مادة الإقتصاد ..
ولا عاد لقيته ..
وبما أنك سألتي عنه .. ترا اللي يبي يهديني ..
يهديني قلم .. لاني حتى الأن أستخدم قلم فندق أتلانتس .. !!
مابعد شريت .. أنتظر أحد يهديني ..

- إذا عصبت أغير مكاني حسب قدرتي و إستطاعي ..
أتوضأ .. وأن كنت بالبيت أطلع وأهج .. لين أرضي .. !!

مرة عصبت من أمي ( أمي الله يهديها دوسرية مع انها كوميديه وتموت ضحك ، أحياناً الله يهديها ويهدينا تتنرفز مني لأني أناصحها وابي لها الخير .. فمرة زعلت مني عصبت وطلعت أخذت لفتين وهديت رجعت لها ويالله رضت مني وعني وصار فيلم مصري أبيض وأسود ومشاهق مع دموع و أحضان وقالت كلام ذبحني وناسه وفرح / أنت الباقي لي وانت أغلى ما بالهكون ومن لي غيرك )
من لي غيرك هذا أنا أقدر أكتب دوواين منها ، هالجمله إن قالتها الوالده الله يحفظها لازم أقرب لها المناديل ..

شلة حسب الله ( عيالي) لازم واحد منهم يتسطر بالشهر مره .. بس ما أضرب بالوجه .. فيهم شقاوة بس حلووه .. وهي من باب التأديب .. بس تراني حنون .. مقدر أزعلهم .. فقط تأديب وخلافه ..

إذا كانت مره معصبه أنا أكون أخر روقان ، أستانس .. نذالة رجال او حب إستهبال .. مدري بس والله اني أنبسط كثير .. أراضيها بس عقب ..
بالسوق يا ما عصبت وخربت الدنيا .. ومن كثرها مدري .. ؟!
بمعدل 4-6 مرات في الشهر ..

- الملح والسكر أمي ولا غيرها أحد .. !!
والفلفل أبوي طبعاً .. أما النعناااع فهي خواطري و أشعاري ..

- يكون في أغلب حالاته محجوب .. زي مثلاً حبي للمثلة نجلاء فتحي .. في مراهقتي تجيني بأحلامي أفكر فيها كثير واتخيلني معها بدل نور الشريف او محمود ياسين ..
وقيسي عليها من هالزاويه وهالركن .. تجي أيضاً حب واقعي بس ينقصه أحد مقومات إكتمال العلاقة ..
الحب أجمل و أسوء ما في هالحياة .. خصوصاً للأديب والمثقف والشاعر ..
أحياناً أوهمي نفسي بعلاقة وهمية لمجرد أن أحث قلمي و أعيش أحداث بالحقيقة غير موجوده ..
أختصرت وكتبت بالعامية ..
وعد مني أرجع للنقطه الأخيرة كذا بالويك أند و أجاوبك إجابة تروي تعطشك لفهم مايدور بخلد وعقل الكاتب مع الحب ..

أجل قد وقد ..
حياااك بكل وقتي ووقتك ..

أكيد أنتظرك ..