|
رد: <<{ ماني محتاج لبروووواز يكبرني ، حقيقة الشخص دووووم اجمل من الصووووره }>>
كنت في حفلة زواج احد الاقارب قبل ساعة ،،،
قابلت شعراء عمالقة الواحد يخجل ان يقول بيت واحد امامهم ،،،
كان من ضمن المدعويين الشاعر الكبير / عبدالله بن نايف بن عون
القى قصيده لها طابع خاص عندي بعض منها:
ياطيـر عقبـي كـن خاطـرك شـايـن *** خاطرك شين وغيبتـي عنـك يوميـن ؟
النقـص فيـك مبـيـنٍ لــه بـوايـن *** في لمعـة الريشـه وفـي ناظـر العيـن
ياطيـر انــا ويــاك كـنّـا خـدايـن *** وبينـي وبينـك ولـف ومعامـلٍ زيــن
يـوم نتخـاوى مـع وجيـه الضعـايـن *** ونهمل سبوقك في مناكـب ( خسيريـن )
ولاّ ( شمـال الهضبتـيـن القـرايـن ) *** شرقي ( طلال) .. ومن ( سواحيق) ويمين
والـيـوم مابيـنـي وبيـنـك مـدايـن *** أنا سعودي وأنـت جـايٍ مـن الصيـن
وأمّــا لقيـنـا للحـبـاري عـوايــن *** والاّ تـوادعـنــا وداع المـحـبـيـن
الـوقـت ماتالـيـه معـنـا بـزايــن *** والبرّ في حادور مـن حيـن فـي حيـن
أدنــاه ملـيـانٍ كراتـيـن ( فـايـن ) *** وأقصاه ضاق وضيّقوا بـه هـل الضيـن
وضاقـت مناهـج طيبـيـن الضغـايـن *** اللّي علـى المقنـاص يالطيـر ضاريـن
واليـوم كـان اللـي يحاكـيـك مـايـن *** هـذي سبوقـك وأنتهـض بالجناحـيـن
وهاجـر مهاجـر مبـحـرات السفـايـن *** للصين والاّ أهبـط علـى ضلـع قزويـن
لـو كـان مـا عنـدي فراقـك بهـايـن *** حنّـا عــزاز ولانهـيـن العزيـزيـن
خلّـك تــروح ولاتـشـوف الغبـايـن *** شاملـك عفـوٍ مثـل عفـو المساجيـن
ـــــــــــــــــــــــــ
/
|