الظلم هذا عندك وعند غيرك والله انك ماشفتي شي

بالنسبه للتاخير كانوا ياخذون الحضور والغياب بعض الاقسام عندنا والله قبل يجي الدكتور واحيانا قبل يبدا وقت المحاضره وهذا الظلم اما الي يدخل بعد الدكتور ابسط حقوق الدكتور يغيبه او يحطه تاخير

موضوع الملابس مالي فيه بس صراحه اذا عندنا بكليات الجامعه هذا وهي مو كليات بنات, الكليات الي ماتشدد عاللبس نشوف فيها الي يضيق الصدر ولاكانها جامعه صراحه البعض عندنا ماينعطى وجه وافضل حل قفل الباب من اوله ولا اشوفه شي مؤثر بدرجه كبيره

بالنسبه لمركز التصوير الي اعرفه ان الجامعه تاجر المواقع للمكتبات والمطاعم ... باسعار رمزيه بشرط ان الاسعار تكون مخفضه للطلاب وعندنا التصوير اقل من اسعار المكتبات برا الجامعه والكوفي شوب يبيع بنص السعر للطلاب, استغربت وقت ماقريت مشكلة التصوير عندكم والمفروض ماتسكتون عنها واستغرب ان الاداره ماسوت شي بهالخصوص الا اذا ان المكتبه مؤجره لاحد الموظفين استغفر الله مانحط بذممنا بس مليون علامة استفهام بخصوص هالنقطه

موضوع الدرجات مشكله بكل مكان موجوده بس اذا الظلم واضح من حق الطالب يشوف ورقته وتصحيحها

اخيرا المظاهرات والفوضى ماتجيب نتيجه ولاهي اسلوب حضاري لائق اي مشكله لازم التدرج في رفعها, في رئيسة قسم ماسوت شي العميده مافي نتيجه الي فوقها وكذا...
كل هذا مانفع؟ الاعلام والله اكثرهم يخاف خوف من الجرايد بس موضوع ينزل خصوصا اذا الكلام صحيح وفي تقصير منهم ومعروف ان الي عارف ان عنده مشكله يخاف تشوفينهم يحاولون يغطون ويحلون المشكله باسرع وقت

بس مسالت اي حق لي ابي اخذه اسوي مظاهرات وفوضى ما اشوفه منطق ولاتصرف سليم

اسال الله التوفيق لنا ولكم...