|
رد: المحاضرات..الواجبات..المناقشات..درجات المشاركة .. بالصور
اقتباس:
المشاركة الأصلية كتبت بواسطة خالد بن غانم
السلام عليكم ورحمة الله
سوال الحين اذا حملت المحاضره المسجلة تعطيني درجات ؟؟ و تعوضني عن المحاضره المباشرة ؟؟ |
المحاضرات المباشرة لها درجاتها .. والمحاضرات المسجلة لها درجاتها ..
النقطة اللي صار عندك فيها لبس أنا أدري وش هي .. هل تحضر المحاضرة المباشرة .. أو تحمل التسجيل ..
وانا ذكرت لك في الشرح أنه لك الخيار .. إما أنك تحضر المحاضرة المباشرة على الهواء فتحسب لك درجتها .. أو إنك تحمملها بعدين وتحسب لك درجة حضورها ..
أما بالنسبة للمحاضرات المسجلة .. وعددها أربع طعش محاضرة .. هذي المحاضرات يا صاحبي قصتها غير قصة المحاضرات المباشرة .. يعني ينزل لك اربع طعش محاضرة مسجلة في فترات الترم كله وعليك إنك تحمملها .. ودرجتها غير درجة المحاضرات المباشرة ..
فاللي عليك يا طويل العمر علشان تاخذ درجات المشاركة كاملة انك تسوي التالي:
1- حضور المحاضرات المباشرة على الهواء .. أو تحميلها لاحقاً ..
2- تحميل المحاضرات المسجلة وعددها اربع طعش محاضرة ..
3- حل الواجبات .. وعددها ثلاثة أو على حسب ما يحدد الاستاذ
4- المشاركة في منتديات الحوار (المناقشة) .. وعددها أربع طعش..
أتمنى إني وضحت لك اللي تبحث عنه .. واذا لزم الأمر أكثر .. فلا تتردد في سؤالي .. تسعدني والله خدمتك  
|