حب ايه اللى انت جاى تقول عليه
انت عارف قبلا معنى الحب ايه
لما تتكلم عليه
انت ما بينك وبين الحب دنيا
دنيا ما تطولها ولا حتى فى خيالك
اما نفس الحب عندى حاجه تانيه
حاجه ماتطولها ولا حتى فى خيالك
انت فين والحب فين ظامله ليه دايما معاك
ده انت لو حبيتك يومين كان هواك خلاك ملاك
ليه بتتجنى كده ع الحب ليه
انت عارف قبلا معنى الحب ايه
لما تتكلم عليه
كنت بأخلص لك فى حبى بكل قلبى
وانت بتخون الوداد من كل قلبك
بعت ودى ...بعت حبى ..بعت قلبى
ياما الحب نده على قلبى ماردش قلبى جواب
ياما الشوق حاول يحايلنى
واقول له روح ياعذاب
ياما عيون شاغلونى لكن ولا شغلونى
الا عيونك انت دول بس اللى خدونى
وبحبك امرونى
امرونى احب لقيتنى باحب
وادوب فى الحب وصبح وليل على بابه
ياللى ظلمتوا الحب وقلتوا وعدتوا عليه مش عارف ايه
فى الدنيا مافيش ابدا ابدا احلى من الحب
تتعب نغلب نشتكى منه لكن بنحب
ياسلام ع الحب وتنهيده فى وصال وفراق
وشموع الشوق لما يقيدوا ليل المشتاق
ياسلام ع الدنيا وحلاوتها فى عين العشاق
وانا خدنى الحب لقيتنى باحب
وادوب فى الحب وصبح وليل على بابه
ياللى مليت بالحب حياتى
روحى قلبى عقلى حبى كلى ملك ايديك
صوتك نظراتك همساتك شىء مش معقول
شىء خلى الدنيا زهور على طول وشموع على طول
الله ياحبيبى على حبك وهنايا معاه
ولا دمعه عين جرحت قلبى ولاقوله اه
وانا خدنى الحب لقيتنى باحب
وادوب فى الحب وصبح وليل على بابه