المتوفى وجنسه : صاحب والدي (تاجر ذهب كبير ومعروف ونحسبه صالح رحمه الله واهله) + زوجته الثانيه + رضيعتها + اثنين او واحد من اولاده الكبار
سبب الوفاة : حادث
معلومات تحب ذكرها (ذكر محاسن الميت):
رحمهم الله واسكنهم فسيح جناته يذكره والدي بالخير دائم
كنا بالحرم المدني وقالنا ابوي بس بدخل للروضه اصلي ركعتين واجيكم..طول ماجاء..نتصل نزعجه نبي نمشي..يوم جاء كان هادي ووجه مقلوب عرفنا بعدها ان صاحبه توفي
قصتهم بختصار.. الاب هذا ماشاء الله وتبارك متعود كل رمضان يستاجر لامه وابوه في مكه عند الحرم ويطلهم من القصيم ويطلع معهم واهله طول رمضان في مكه
خلص رمضان وعيد وياهم في القصيم..حاولت امه معه مايسافر للرياض سبحان الله قلب الام يحس..بس لازم يسافر خلاص تبدا اشغالهم..ودع امه وابوه واستسمح منهم وكانوا راضين عليه ..ابنه اللي كان يسوق دخلوا في نفق وكانت في سياره قدامهم ..الولد يحسبها سياه تمشي ويوم يقرب من عندها مامشت الين ماصدم فيها (السياره واقفه وسط النفق ومافيها احد تعطلت ع صاحبها ) والحادث كان عنيف جدا لانه كان مسرع..جاوا الناس ونزلوهم من السياره كلهم اصيبوا (الزوجه الثانيه,الرضيعه,خمسه عيال,يمكن بنتين, تقريبا هذول) ومددوهم ع الرصيف الين تجي الاسعاف ..ماعادا الاب ماجاه شي ..ماشاء الله وتبارك ايمانه قوي قوي
نزل تفقدهم وناظرهم وقال الحمد لله وراح يصلي شكر لله (هو يحسبهم كلهم ماتوا) وسجد سجدته الاخيره ماقام منها ..سبحان الله ع قوة الايمان ..وسبحان الله اللي اراد له موته خيره ..كان ممكن يموت في الحادث لكن نزل سليم ولاصابه مكروه واختار له الله يموت وهو ساجد ويبعث بإذن الله وهو ساجد شاكر ..
اللي توفوا ذكرتهم والباقين كانت جروح واغماء
رحمهم الله واسكنهم فسيح جناته .