2012- 3- 25
|
#8764
|
|
أكـاديـمـي مـشـارك
|
رد: . . . . . . . . . . . . ‘ تَع'ـآل دردِش مَع'ـنآ ♥ ,
عسى الهون لأهل الهون والجود لأهل الجود
وعسى الله يعطي كـل حـيٍ علـى ظنّـه
وعسى أهل النوايا الباطلة والقلوب السـود
يعاقبـهـم الله ومــا يدخلـهـم الجـنّـه
حشى ما يجدد لك جروح الحشـا يـا كـود
اليا جـت مـن اللـي مـا توقعتهـا منّـه
تصبرت أخـاف مـن المشاريـه والمنقـود
وأنـا مؤمـنٍ وأصلـي الفـرض والسنّـه
أقدّر وأسامـح وأحسـب نقصهـا والـزود
اليـن يتمـادى بالخطـأ راعــي العـنّـه
وأحب الصميدع وأذخره فزعـة المضهـود
وأداري عليـه مــن المناقـيـد وأحـنّـه
وفعل الوفـا منـي لـراع الوفـا مـردود
ولاهـوب لكنـي إلـيـا صــار لكـنـه
هواجيسي وشعري كمـا النـار والبـارود
ومن غيـر لا أعمّـر مـن التتـن وأكنّـه
على ما قسم ربي وجـودي مـن الماجـود
أحفر الصخر وأسخّـر القـاف ليـن أنّـه
يجـي سلسبيـلٍ حالـيٍ صافـيٍ قـرهـود
ومثـل الجنيهـي فـي بريقـه وفـي دنّـه
وهبنـي جزيـل المـدّ والفضـل للمعبـود
ولا غيـر وهـاب الوهايـب لـه المـنّـه
على طول حبـل المعرفـة حبلهـا ممـدود
وعلـى كـل فـنٍ وكـل فنـان لـه فنّـه
أدور عليهـا درب لـو دربهـا مـسـدود
وأدندن وأجـرّ الصـوت وأطـوّح الونّـه
طموحي ولو دونـه حنيـن ودويّ رعـود
ولو صار مهمـا صـار مـا عنـي وعنّـه
لعين الهنـوف الفـارع أم العيـون السـود
وذيـك الجـدايـل والشفاتـيـن والبـنّـه
|
|
|
|
|
|