|
رد: استفتاء بشأن الخدمات المقدمة في الكلية // دعوة للمشاركة ..
وعليكم السلام ورحمة الله وبركاته
اشكرك اخوي الشبابي ع فتح الموضوع
وان شاء الله بعد ماتقرا كلامنا يصير في تفاعل من قبل الجامعه.
حاجات في الكليه يبغالها تغير وكثير تعبنا وحنا نتكلم وماحد معبرنا لو نتكلم عن الكفتريا جدا زحمه ماتكفي عدد الطالبات وفوقها الكراسي والطاولات غير منظمه وسيئه للغايه مثل كراسي روضة الاطفال مكبره والممرات ممنوعه الجلوس فيه فين نقعد يعني!!
والاكل الله يكثر النعمه كذا مره نلاقي فيه شعر بالفطاير ومامن مجيب سببت لنا الامراض ليتكم تشوفو لنا حل ..
المكتبه والغلا اللي فيه مايصير لو مو الحاجه كان مارحنا له.. سالفة التفتيش الصباحي ع النتوره والبطاقات طفشنا منها نتأخر عن المحاضرات بسببهم وطبعا نظامهم الجميل اللي من بعد ثمانيه ودقيقه تحسب تأخير ساعه قسم بالله ام التعقيد طيب احسبو حساب البنات اللي يجون من مناطق بعيده وغير انو حنا نسوي عروض ونشرح المحاضره طيب حضرة الدكتوره مستمعه اجل مال ابو الكليه داعي ندرس انتساب ازين وبعدين مو اي بنت لها القدره انها تشرح ويمكن تكون نفسها ماهي فاهمه شي ..
وكمان زي ماذكرت الاخت اونلي سالفة التغير بالانظمه مايصير كذا يعني المفروض الانظمه ماتتغير بنص الترم او بداية السمستر الثاني وتطبق علينا كذا المفروض الانظمه تطبق بداية كل سنه جديده كذا ننصدم انو تغير مثل سالفة متطلبات المواد اللي انا بنفسي صارت لي هالمشكله مع العلم اني ماخذت ماده لها متطلب واحد وفجأه مع بداية السمستر الثاني قالو تغيرت الانظمه صارت هالماده متطلب لخمس مواد..اذا بيقعد الحال كذا وتتغير الانظمه من دون دراسه لحالة الطالبات بنعمر في الكليه سبع سنوات لقدام..
هذا اللي براسي وسدحته اتمنى اني ماازعجتكم بكلامي اخلي الباقي للبنات
فمشاكل كليتنا كثيره وماخفي اعظم ..
والسلام خير ختام..
|