|
رد: المحاضرات..الواجبات..المناقشات..درجات المشاركة .. بالصور
اقتباس:
المشاركة الأصلية كتبت بواسطة ابوعبودي
اخي العزيز اي فون ...
السلام عليك ورحمة الله وبركاته ...
عندي استفسارات وجاوبت انت عليها لكن المشكله اني عجزت افهمهاااااا
اول شي / هل لازم احضر المحاضرات المباشره على الاقل 3 منها او كتفي بالتحميل ؟
على كلام بعض الاخوات الحضور بالمحاضرات المباشره 3 على الاقل
ثاني شي / المحاضرات المسجله ... لازم اشاهدها عشان اخذ درجة المحاضره المباشره او اكتفي بالتحميل فقط ؟؟؟؟؟؟؟
ثالث شي / هل لازم احمل محتوى المحاضره ... برضو لان بعض الاخوات قالوو لازم تحملها ؟؟؟؟
اسف على الاطاله بس والله كثرة الاجابات تحير الشخص ....
|
يا هلا فيك .. وابشر بعزك
اول شي .. المحاضرات المباشرة هي اصلا ثلاث محاضرات فقط في الترم الواحد .. يسويها الدكتور مباشرة لايف مع الطلاب .. اذا تقدر تحضرها معاه بوقتها كان بها وتنحسب لك درجتها ..ما امداك يا صاحبي حمملها بعد ما تنزل في البلاك بورد ولك نفس الدرجة كنك حاضرها مباشر .. وتلقاها باسمها مثل "المحاضرة المباشرة الأولى "
ثاني شي / بالنسبة للمحاضرات المسجلة .. عددها اربع طعش محاضرة .. ويجب عليك تحميلها كلها .. تلقى مكتوب تنزيل المحاضرة .. طبعا يقال انك اذا شاهدتها كاملة من غير تحميل تحسب لك الدرجة .. بس فيه طلاب وطالبات واجهوا مشكلة الترم السابق لانهم شاهدوا بدون تحميل وجتهم درجات المشاركة ناقصة .. فانا انصحك تدخل ع المحاضرات المسجلة الاربع تعش كلها وتحمملها تحميل كامل وتريح راسك.. وانت بكيفك بعدين تبي تشوفها والا لا .. لان السيستم يحسب لك الدرجة بعد الضغط على كلمة تحميل وبدء التحميل ..
ثالث شي / محتوى المحاضرة مو اجباري عليك تحميله .. بس مهم تحميله لانه يحتوي على ملخص لما ركز عليه الاستاذ في المحاضرة .. لذلك تسمع الكثير يقولك مهم تحميله .. بس مو اجباري .
رابع شي / اتمنى اني اكون جاوبت ع اسئلتك بوضوح .. ومثل ما تتمنى
واذا فيه شي مو واضح لا تتردد في سؤالي .. انا تحت امرك
|