قصيدتي بالشام ١٦/٣/١٤٣٣
شام(ن) عسى من شانك اليوم ينشان
يذبح ولا تبكيه أرضك وحيه
يذبح ومثله ذبحة الكلب طوقان
الي دعا لأهله بذيك الهويه
وحتى كليب الدار عنده كحيلان
نعجه وكيف الشام دانت لزيه
صار الذنب راس(ن) وراس(ن) للأكفان
من زمرت أعوان(ن) تحب الدنيه
هاذي علامه آخر الوقت به بان
كون الذنب راس(ن) يقود الرعيه
يالله فرج للذي بات ولهان
تدمع عيونه من مصايب قويه
أهله رفات(ن) اندفن تحت بنيان
مايدري الي تحتها مات حيه
وأفرج لدارن امتلت منه طغيان
اطفالها نسوانها والرعيه
ويالله تفتح للمطانيخ بيبان
وتاخذ لروحي في سبيلك هديه
من بعد مذبح منهم لك قربان
واشفي غليل(ن) في فؤادي لظيه
ابو الحارث الأسلمي