ابشركم اليوم رحت لمكتبة الابرار واخذت ملزمة التحرير الجديدة ب 30 ريال
(بعد لأيٍ ومواعيد)
.............
.............
المحاضرات المباشرة وش صار عليها.؟ ووين وصلنا فيها..؟ والله رغم حرصي على حضورها لكن صعب حيل تضبط وقتك وصعب تذكر الموعد
مدرى وش تبي الوردة
اقترح الغاءها لانها بلا فائدة الا ما ندر
او ان يكون هناك آليه قوية تبقينا على اطلاع دائم ومتى اردنا كالرسئل النصيه او صفحه محدثه باستمرار وذات مصداقية ...او ان تكون
بلا درجات
اما سالفة جدول شطوله كنه ميزانية سابك ما تعرف اوله من اخره ....لالا ما ينفع
........
محاضرة تقنية المعلومات ما تشتغل عندى ...يالعاشرة يالتاسعه ...مدرى وحده منهن ...احد مثلى ؟؟
تعبان يا اخوان
احس راسي فىه قراشيع ومفكات وبراغي وصواميل وكراتين مغبرة وقرارات مؤجله و مقررات واختبار وهواجيس
...الدراسه ماهي سهلة ياجماعة
والجامعة ماتساعد كلها مشاكل و اعطال
وما يراقبون الدكاترة صح
سمعتوا بدكتور فقه السيره ؟؟؟؟؟؟ الله ياخذه ....قهرنى
وتحياتى للجميع ..ابنائى وبناتى واخوانى واصدقائى ...والخاله شوقيه ...عادي لا احد يشره
