|
رد: عندي كل شي واملك كل شي الا شي وااااااحد
أسعد الله مساءك..
أول شي إنتي تبغين أحد يسمع لتس وما لقيتي..
أنا أقولتس عادي خذي ورقة وقلم وأكتبي لين يفضى راستتس من الهرج  بترتاحين وهالطريقة أستخدمها يعني جايبة لتس شي مجرب مو أي كلام 
وبالنسبة للمشاكل أو الأغلاط اللي تبغين لها حل أو حاجتس للنصح من أشخاص قريبين..
هذي بعد حلها بسيط..
هنا بالملتقى أشوف تجاوب كبير من الأعضاء لأي شخص محتاج نصح أو كلمة حلوة أو رأي سديد..
وأتوقع إذا انتي محتاجة النصح بتلقين تجاوب بمجرد ما تطرحين قضيتس هنا :)
أما الناس اللي تحسينهم بعدوا عنتس أنا أقولتس لا تلومينهم ترى الدنيا تشغل وإذا ما لقيتي صديقة قريبة جددي صداقاتك وكوني علاقات جديدة..
وأهلك محد يخاف عليك وحريص على مصلحتك مثلهم الله لا يحرمك منهم ولايحرمهم منك..
>> شي ثاني إذا طفشتي اكرفي ترى الشغل يوسع الصدر 
تمنياتي ودعواتي لك بحياة أفضل..
|