ملتقى طلاب وطالبات جامعة الملك فيصل,جامعة الدمام - عرض مشاركة واحدة - طريقتي لمذاكرة المواد النظرية ..مضمونة 100%

سلطان الزعيم · #1 2012- 4- 2

السلام عليكم ورحمة الله وبركاته ..

اقدم لكم طريقتي في مذاكرة المواد النظرية والتي تؤدي الى نتائج ممتازة بأذن الله سبحانه وتعالى وتوفيقه ..

اولا :

نمسك المحاضرة من اولها من اول صفحة ونبدأ بالخطوات التالية :

نبدأ من اول صفحة ونبدأ نطلع الاسئلة الي ممكن استخراجها من عناوين الجمل والفقرات والتعاريف يعني مثلا : علل . عدد . عرف . اذكر .... الخ
نحدد عدد الصفحات الي نطلع منها الاسئلة كعدد معين ..10 ، 20 ، على حسب قدرتك وتحملك للكتابة
نجمع الاسئلة على ورقة خارجية ولا تستغرب من العدد الي راح يطلع لك من الاسئلة يعني ممكن تطلع من عشر صفحات 50 سؤال او 10 اسئلة على حسب .
بعد مانخلص من تجميع الاسئلة من المحاضرة كاملة راح يطلع لك عدد من الاسئلة يربشك ويحطمك احياناً

المهم بعد التجميع نقول طلع لنا 100 سؤال نبدأ نقسم الاسئلة على عشر ورقات كل 10 اسئلة في ورقة ..

نأخذ اول ورقة اسئلة ونذاكر اجوبتها ونحفظها وبعدين تبعد عنك الملزمة وتخلى ورقة الاسئلة فقط وورقة اجابة فاضية وتعمل امتحان لنفسك وابدأ حل العشر اسئلة ..

بعد ماتخلص صحح اسئلتك مباشرة ونصيحة لاتجامل نفسك بالتصحيح يعني تقول جبت نص الاجابة ومدري ايش وكنت قريب من الاجابة لا
ماجبت الاجابة صح على طول x

وبعدين طلع الاجوبة الي صح وحط الاجوبة الى خطأ على ورقة ثانية وأبدا ذاكرها مرة ثانية واعمل امتحان للاجوبة مرة ثانية وكل مرة راح تنقص الاجوبة الخطأ حتى تضبط الحل صح وتكون خلصت 10 اسئلة 100% ..

طبق هالطريقة على العشر ورقات الباقية واسئلتها وبأذن الله راح تحفظ المادة صم زي مايقولون

وكل ماعليك ليلة الامتحان الا تسوي امتحانك النهائي على 100 سؤال مرة او مرتين وتراجع الاسئلة الى اخطيت فيها وحط راسك ونم ولاتذاكر شئ ابدأ اذا صحيت اللهم كرر الامتحان مرة اخيرة قبل ماتروح الامتحان بساعتين ... وبعدها ادع الله واستغفره واستودعه ماحفظت بأذن الله راح تجيب الدرجة كاملة ...

انا ولله الحمد كنت اجيب الدرجات الكاملة او شبه الكاملة بالطريقة هذة ايام الكلية التقنية :58545:

والحين اطبقها في الجامعة وهي ناجحة ولله الحمد ...

دمتم بخير وبالتوفيق وادعو لوالدي الله ان يمد بأعمارهم ويشفيهم الله يجزاكم بالخير