|
رد: أصيبوني بدعواتكم لي بالشفاء العاجل+نصائحكم لي فاني بحق أحتاجها.
ياهلا فيك يا اختي
اول شي ابيك تطمنين تماماً
ادري ان الركبة تتعب الواحد نفسياً وعضوياً
لأنها مركز هام في الجسم وفي الحركة
1- رقم مستشفى دلة بإمكانك تأخذينه من الاستعلمات 905 وتطلبين عيادة الدكتور سالم الزهراني
وتاخذين موعد معه وتعملين الترتيبات معهم
2 - بالنسبة للفرق بين الغضروف الهلالي والرباط
الغضروف هو اللي يساعد على حركة الركبة ومرونتها وبدون اي احتكاك
والرباط هو اللي يحافظ على توازن الحركة في المشي
ومن خلال كلامك وان رجلك تخونك في المشي فـ الله اعلم ان عندك (( رباط صليبي ))
مافيه اي داعي للقلق والتوتر
هي عمليه بسيطة لربط في الركبة وان شاء الله ترجعين افضل من الأول
وبالنسبة للوقت يا اختي الكريمة
احتمال ما تكون عمليه وتكون منظار وما يأخذ الا (( ربع ساعه )) فقط
او تكون عمليه لا تتعدى من (( نصف ساعه الى 45 دقيقة ))
وبعد العمليه يكون اول اسبوع علاج فيزيائي ومراهم على الركبة
وتدريجياً يكون هناك هناك علاج طبيعي لتقوية العضلات
وحتى بعد العمليه مايكون هناك اي الم لأن اصلا تكون الرجل بالكمادات والشاش
بالنسبة للعوده للحياة الطبيعيه
اذا كان (( غضروف )) في بعد 10 ايام بالكثير ترجعين تمشين وتمارسين حياتك طبيعيه مع العلاج الطبيعي
طبعاً مع الحذر الى ان ينتهي العلاج الطبيعي كامل خلال 6 اسابيع
وبما انك انسانه عاديه مو لاعب كورة او يعمل مجهودات كبيره
ممكن تكون المده اقل بكثير واقل من شهر
واذا كان رباط صليبي ايضاً مافيه شي يدعوا للقلق
حتى لو زادت المده عن الغضروف لكن الظروف نفسها
اهم شي العلاج الطبيعي والراحة فتره معينه
3 - بالنسبة لوضعك الحالي
انا ادري انك اذا مشيتي تحسين بإنفلات في رجلك وتحسين ان داخل ركبتك موية وتورم كبير
حاولي بقدر الاستطاعه عدم كثرت المشي عليها
وخليها اكثر وقت ممكن ممدوده وابتعدتي تماماً عن جلساتنا (( التربع ))
يعني خليها ممدوده اقصى ما تستطيعين
ابتعدي قدر الاستطاعه عن صعود الدرج واذا كان ظروري استعمال الدرج
ركزي كل جهدك على رجلك الثانية
استخدمي الثلج على الركبة لأنه يخفف من التورم
وبإمكانك استخدام قطعه قماش تجنب لصقيع الثلج
فـ المهم تبريد المنطقة
وعشان اطمنك اكثر
انا قبل العملية كنت (( اعرج )) مو بس تورم
يعني ما اعرف امشي زين
والحين الحمدلله امارس حياتي طبيعيه تماماً والعب كورة ورجعت طبيعي
اهم شي يا اختي الكريمة لا تقلقين تماماً
ترى شي طبيعي كل اللي قلتيه وكنت انا اشد منك لأني اعرج ولا استطيع المشي
وخذيها نصيحة مني
الدكتور / سالم الزهراني ولا تفكرين غيره مهما قالولك حتى الاطباء الاخرين
وعشان ترتاحين اكثر
العام مسوي عملية (( الرباط الصليبي مع الغضروف )) للاعب الاتحاد والمنتخب (( نايف هزازي ))
والحين ماشاء الله تبارك الله ينافس على هداف الدوري
ويركض وينط ويتصادم مع لاعبين ومافيه الا العافيه ماشاء الله
فـ تطمني يا اختي
وتوكلي على الله عند الدكتور / سالم الزهراني
وما قدامك الا العافيه 
|