\
\
هلا فيكم
اشكر لكم حسن اقتراحاتكم
وكلامكم الجميل
خاصه اللي تكلموا على النظام والتنظيم
من قبل الطالبات وأولياء امورهم او السواقين
صدقوني
لو كل واحد مشى بالنظام وبالترتيب ماصارت زحمه
لكن للاسف .. واكرر .. للاسف اننا شعب غير محترم لانفسه .. ولا غيره ..
اعذروني على هالكلمه
لكن يومياً وانا رايح للعمل
اشوف الزحمه وذهابي يكون بعيد عن كليات البنات
لكن في الطرق العامة وعند الاشارات
تشوفون كل واحد يدخل على الثاني ويسبب ازدحام غير طبيعي
واكثر الناس واقول ما نسبتهم 85 بالمية
صار ماعندهم صبر
واكبر دليل اشارة المرور .. قبل لاتولع خضراء ..
تسمعون الازعاج والهرنات .. وكل واحد معصب ..
ليشششششششششش ؟؟؟
اشياء كثيره ترفع الضغط
ماخرب الانظمة المعمولة بها عندنا في جميع الاماكن
الا حنا بتصرفاتنا .. وبعدم صبرنا ..
الكلام صدقوني يطول ..
وترى ردي ماهو دفاع عن الكليات او المواقف
لا والله .. لكن بشكل عام ..
بالنسبة للبوابة الرئيسية
انا من المعارضين جداً .. لفتحها للطالبات
لان فيه ناس تضرر من الزحمه وهم مالهم دخل في الكليات
على الاقل لو يزدحمون الطالبات او اولياء امورهم
فهو شي محتوم عليهم ومطلب منهم انهم يصيرون بالزحمه ..
اما انا وش ذنبي لو مريت بعد الظهر .. وكنت مستعجل
ولقيت الشوارع مقفله من السيارات ويالله تتحرك ..!!!
بعدين ابقولكم شي يمكن ماتعرفونه
مدير الكليات يوصل بنته بنفسه وهي طالبة في الكلية عندكم
ورغم هذا مادخلها من البوابة الرئيسية
يومياً يوديها للكلية عن طريق البوابة الشرقية
ويوشف الزحمه وبعض الاحيان يتأخر عن دوامه
يعني ترى ماهو انتم بس معانين .. الكل يعاني من المشكلة ..
بس اصبروا .. وان شاء الله كلها كم شهر وبتصلح الامور
لان الجامعة الآن تجمع الاقتراحات عشان تسويها على ارض الواقع ..
الله يجزاكم خير على ردودكم الواعية والجميلة
والله يكتب اللي فيه الخير
دمتم بأجمل صحه وبقلب نابض بالحب للآخرين .. 
-
-