اهي اول شي تسأل البنت شنو موضوعك بعدين تسالك ليه اخترتي الموضوع شنو هدفك شنو الفكرة الي
تبين توصلينها .. بعدين رح تقسمكم كل ثلاث بنات مواضيعهم متشابه رح تخليهم في مجموعة مع بعض لانها
تبي كل ثلاث بنات يسوون بحث واحد .. طبعا كان مفروض من الاول تعطينا خبر انه كل ثلاث مع بعض علشان
نختار موضوع واحد ونبحث فيه .. انا انصحك انك تشوفينلك بنتين معك و تختارون موضوع واحد علشان البحث ..
لانه رح يكون صعب لو كانت المواضيع مختلفة يعني انا مثلا اخترت اكتب عن تاثير اختلاف الاديان على العلاقات
الاجتماعية
حطتني في مجموعة وحدة تبي تكتب عن تطور اليابان و الثانية تبي تكتب عن ما ادري شنو ان العالم مطور و
العرب لساتهم في جهل .. بصراحة ما ادري اشلون تبينا نكتب بحث واحد وكل موضوع يختلف عن الثاني !!!
طبعا المواضيع الي اختاروها البنات اهي
الامراض .. تلوث الهواء .. النوم .. الاحتباس الحراري .. الذكاء الصناعي .. مرض التوحد .. الغيرة عند الاطفال ..
السمنة .. طبعا انت اختاري موضوع تحبين تقرأين فيه ..
وبس اعطتنا اوراق الهوم ورك الاولاني ولا احد اخد كامل .. ليه ؟؟ والله ما ادري