|
رد: ♥♥ ◄███▓▒░لًمسَتهّ آيقظٽ ٽڷڪّ , آڷإميـَـَـَـَـَـَـَـَژھ |●● ..░▒▓███►♥♥ مُدَوَنَتّيِ ♥ !
مسائكم حب  !!
هالأسبوع غريب عجيب من جد يعني ..
يوم السبت كيذا كان اشبه بالعاااادي بس سحبت على العملي الفيزياء  ..
لانو وصلنا ومانمت زين 
وابي اذاكر وانا مصحصحه وهيك يوم الاحد يوم الاختبار مثل مادريتو وخمبقة ام الخنابق 
حليت ومدري شكتبت يعني هولت في الورقة طلعت وانا محبطه كثير,,
نوفمبر سحبت على الاختبار هي ومريومة .. و ظليت اهوجس واهوجس وربي اشوف الورقة
بنومي .. مابي اسوي شيء كله متملله و صدري ضايق من الدرجة ..
ولا جيت اطبخ استغل الوقت وابكي هههههه اسم انه محد بجنبي ..
اقول ياربي شلي انا فيه اتعب واجتهد واخر شيء ما احصل على هالتعب
قابلة انجح في التفاضل لو على الحفة لو d بس ما ابي احمله مادة غثيثة ومدري ليه يدرسونا
حنا بنات الفيزياء  ..
الموهم يوم الاثنين خلصت مذاكرة وهيك قلت خل اقووم اسوي معكرونة حق البنات
بلشت فيها الساعه 5 الفجر تقريبا قلت خل البنات يتونسون فيها ويتغدون بالكولج وشسمه
انا مابرد السكن الا 3 العصر يعني هلكانه وجايعة والكافتيريا تكون فاضية ووهيك
وقلت ابي افاجئ زوزي بس ماهقيتها تسحب علينا وياليتها ترد على الاتصالات
الي كانت من البنوتات ..
ردينا وهيك قلت بروح اتسوق بالاحساء مول بس مامدى ان شاء الله الاسبوع الجاي
يوم الثلاثاء حضرنا التفاضل وهذي اول محاضرة بعد الاختبار
قالت الدكتورة درجاتنا يعني فيها 8 من 25 قلت اشوه ماجبت 5 هههههههههههه
ياسبحان الله مدري ليه ارتحت قلت 8 من 25 هذي راح تكون درجتي مع اني تعبت وهيك
وشسمه وجلست اسأل بنت محمد اقولها كم تتوقعين درجتي
قالت امممم من 0 الى 25 ههههههههه
قلت لها وربي لو 10 من 25 لعشائك علي من هرفي هههههههه
خلصت المحاضرة وفي بنت راحت تجيب كشف الدرجات قلت لبنت محمد شوفي درجتي
وقولي لي بعد الاختبار مابي اتضايق وهيك ..
ونزلت الدور الثاني علشان اختبار القضايا .. والله جلست امشي بجنب الجدار وكنت بلحالي
اقول : ياربي والله اني تعبت وذاكرت بس ماباليد حيله قابلة 10 من 25 ما ابي اكثر
بس ابي اعديها شسوي ما احب التفاضل و هذولا الاشياء وخصوصا ان مع الدكتورة
ما افهم شنو تقول سودانية حيل و غير كيذا تسرع ..
رحت مكتب الاشراف قالوا الاختبار مابين الساعة 1 الى 2 ويممكن يتأجل ولي ماتبي اليوم
تقدر تاخذه الاسبوع الجاي .. فقلت بشوف جلست اتمشى مع بنت بتختبر معاي قضايا
وصدفة جات البنت الي معها كشف الدرجات قالت لي تعالي انتي معي بالتفاضل
قلت لها ايه قالت تبين تشوفين درجتك قلت لها اممممم اوكي
اخذت الكشف ونصدمت صدمة عمري الدرجة ماتوقعتها
حضنت بتيلة صديقتي وجلست اضرب خدودي ابي احد يصحيني
على العشرة من 25 ربي رحمني وانضافت لها 8 يعني 18 يعني اعديها
وبالاختبار الجاي اقسمت انو غير الدرجةالكاملة ما اخذ ..
نزلت اقول حق البنات والتقيت في دموع ويالله فرحت لي من قلب
ورحنا وشفنا اوراقنا وهيك .. وحمدت ربي درجتي من الدرجات الحلوة بالنسبة للبنات
يعني فيهم من حصل على 11 و 9 وهيك فدرجتي حلوه بس بشد اكثر
وبث 
|