2012- 4- 4
|
#4334
|
|
أكـاديـمـي مـشـارك
|
رد: مَلَامِح صُوَر..!!
اسبوع مرّ !! ولاوصل منك مرسال
ياقوّ قلبك كيف تقطعني أسبوع ؟!
الجوع كافر ! وانت ماترحم الحال
وانا عليك من الوله ميت جوع
ياللي غيابك صعب يطري على البال
تركتني ضايق وحاير ومفجوع
ماكنّي الا: شايب فاقد عيال
وماكنك الا: محرّم حق مشروع !!
يفوع لك قلبي ليا مر الاطلال
ياليت مالي قلب يشتاق ويفوع
حسبي عليك شلون قطّعت الآمال
بآآآموت لاصار الامل فيك مقطوع
ياصاحبي ماكل نزّال رحّال
انت الحيّا من وين مارحت متبوع !!
نسياني لزول بالاعماق يختال
اصعب على صاحبك من حبة الكوع
لو الثمن في شوفتك عمر رجال
كان الثمن من يوم ماغبت مدفوع !!
ولو القدر ما تم قوله ليا قال
ماضاق صدر ولا انحنى راس مرفوع
ياصاحبي عشقتني فعل وخصال
وانا عشقتك شعر واحساس وطبوع
وشلون تتركني كذا لا اشهب اللال
وقدّام عيني تجف ينبوع .. ينبوع !!
وانا عشانك جيت والغيم همّال
اسيّل الوديان واداحم جموع
ماردّني عنك سواليف عذّال
تزعل عليّ ربوع وتقدّر ربوع !!
كان المهم اعيشك جنون ووصال
ويكون لي كلمه ولي راي مسموع
واليوم ضاقت بي من الجال للجال
فرقاك تقصم ظهر وتحز وتلوع
لو جيت شفت الحال ماسرّك الحال
في غيبتك ضايق وحاير ومفجوع
هذا غياب اسبوع وشلون لو طال
طالبك .. لايطوّل غيابك عن اسبوع !!
|
|
|
|
|
|