ملتقى طلاب وطالبات جامعة الملك فيصل,جامعة الدمام - عرض مشاركة واحدة

RoshoF · 2012- 4- 5

اقتباس:

وشذا وشذا ياكبدي كبداه وع شوفيه ماغسل الدجاجه ومطبخهم وصخ قسم احس الاكل فيه ريحه < اهم شي آلشيف اصلع ^.^ وااااااصلي يابعديّ والله يوفقك وذاكري عشان اذاكر < وش دخل $$ ويَنك يابويّ

هلآ هلآ

يييع أتخيلني أشم الريحه الحين الله يقطع إبليـسك

بس تصدقين أنا نفسه كذا إذا مالي خلق يعني , وأبي أسوي لي بس ترى ما أتفنن مثل العالم ..

إذا شي خاص لهم جلسوا يتفننون وحاله وحوسسسه

لـأ أنا إقتصاديه , بس نظييييييييييييفه

موب ما أغسل الدجاجه ولـا أقطعها , لأ فديتني عندي عقده من الدجآج لازم أغسله زين ما زين وأنقعه ربع ساعه ب موية حارة وأرجع أغسله وأغسله وأحياناً أتهور وأليفه بليفة المواعين

وأشيل الجلد وأقطعه وأحطه بالقدر مع موية وصلصه

وأبدأ التعقيم ( يديني ) تجيني نفسية من ريحه الدجاج ,

أي وشسمه قبل لـا أنسى أحاول قد ما أقدر أشتري الدجاج اللي حجمه صغير 800 والا 900
مره يوم كنت ب حايل أضطريت أشتري اللي حجمها ألف1000 قسم بالله حسيتها ديك رومي من كبرهاااا

وما كان عندي طاولة , جلست ع الأرض أقطعها ب ساطور وكل شوي تزلق تروح بعيد عني

<< معاناة الله لا يعيدها
وأقول ل خالتي السالفه .. تقول الحمد للك والشكر

وش صغرها الف 1000 طول عمري أشتريها أحسن من أم 800 كأنها طيور سمّان كلها عظام

وبمناسبة الحديث عن الأكل يقول الشاعر :
يازين زوله يوم جاب لي الغدا لي .. من زود حبه مابقى بالصحن عيش
اضرب من الكبسات تحت الضلالي .. وبالدجاجه مانخلي عراميش

وسلامتك

<< خذت راحتها بالسالفه