|
رد: زيارتيً لـَ لـ أول مجالً من مجالاتً التدريب الميداني1
قلبي مجنونك صراحه حمستيني أجتهد ثاني مره ولو أني فقده الأمل
بقولكم السالفه
في صبح من الصبابيح اللي مالله مباركلي فيها رحت والروحة اللي ماتسر الصدر
دخلت على مدرستي الأبتدائيه وطبعا واجهة المديره واسئلتها اللي ماتخلص لين طقة تسبدي بالأخير قالت والله حلوه دراستكم بس للأسف الشديد اللي عندنا موب تخصصها علم إجتماع هذه شهادتها دراسات إسلاميه <<ماضيعنا غير الواسطات  الزبده ماستفدت شي
قمزة لمدرسه إبتدائيه بنهاية الحي كانت فيه موجهة ذاك اليوم جلست مع المديره وقالت انه المرشده الطلابيه لاتمانع من المقابله ولاكن لازم تجيبين لي موافقه من مركز ماأدري وشو بالحي الفلاني قلت لا لا يابنت الحلال الدكاتره يقولون بطريقه وديه تقدري تاخذي مقابله <<الزبده أكتشفت انها تميلح عند الموجهه يعني إني مديرة ممتازه
وكمان من سوء الحظ قالت الموجهه انا رايحه لمقر عملي في التوجيه قلت يعني ألقى موافقه على طول قالت إيه وعلى ضمانتي
قلت يلا ياسواقي العزيز الحق ذيك السياره ووراها ووراها لين وصلنا وفرفره بالأسياب بالأخير قالوا موب عندنا التوقيع طبعا كان مقر هالمكان في الروابي قالت للأسف ماعندنا هنا موافقات بس روحي لإدارة التخطيط والتطوير للأستاذه رضماء في المربع
<<طلعت من هالمكان بؤوسه متحطمه وقلت مدام السالفه فيها رضماء أستدي بالله يارنو وأرجعي للبيت قبل لايجيني قيلوني 
رجعت للبيت وانا أطقطق بالبي بي مندبلتن تسبدي 
ترا من زمان طلعتي هذه بس من الصدمه ماني قادره أقولها لأحد 
أولا وأخيرا ماعلى الله عسير وبإذن الله بجدد نشاطي وأبحث ثاني مره  
<<سوري ع الأطاله 
|