2009- 10- 31
|
#17
|
|
أكـاديـمـي ذهـبـي
|
رد: الحلم الوردي ... قصة من تأليفي .. أتمنى أن تعجب قلوبكم ..
\
\
عسولة الشرقية
اقتباس:
|
السلام عليكم ورحمه الله وبركاتة
|
وعليكم السلام ورحمة الله وبركاته ..
اقتباس:
|
قبل لا ابدا مشاركتي احب اذكرك اني لازلت انطر جواب سؤالي
|
الله يعينك على الانتظار اجل :)
يالله
اقتباس:
|
صراحه جهد يشكر عليه لكن اذا فعلا تبي نقد
|
تسلمين .. واكيد يهمني النقد بالدرجه الاولى ..
لأن النقد الهادف والبناء .. يخدمني بشكل كبير ..
اقتباس:
|
مع العلم انه مو تخصصي لا لغه عربيه ولا فن القصه ولا شي
|
بالعكس مايهم ان الواحد يكون تخصصه النقد او اللغة العربية او غيرها ..
اهم شي احساس الشخص بالقصه ومكان ضعفها وقوتها ..
اقتباس:
|
لكن باعطيك بعض النقاط الي لفتت نظري
|
ممتاز .. يالله عطينا ..
اقتباس:
الكل قالوا ان البدايه كانت بارده اشوي من وجهه نظري
كثيـــــــــــر قصص اتلاحظ بداياتهم بارده لانه توك مابعد تتعرف على الشخصيات
اول ما يبدا القارئ يتعرف عليهم يبدا الاكشن والحماس
فمن ناحيتي كقارئه البدايه تقبلتها
|
كلام جميل ..
وانا والعياذ من كلمة انا .. قرأت قصص وروايات كثيره جداً ..
ودايماً تكون بارده او ابرد من البارده بعد ..
لكن لما أقرأ الفصل الاول .. ابدأ بالحماس والتعلق الشديد لين اخلصها ..
وبعض القصص تجلس وياي اسبوع ..
اقتباس:
وعلى اشوي اشوي بديت انسجم بالقصه وصراحه اسلوبك كان جدا رائع
لدرجه اني تخيلت عمري انه انا البطله
|
تسلمين على هالكلمات الجميله والدافعه لتقديم الأفضل ..
اقتباس:
|
وطبعا كلنا نعرف ان جوده القصه تكمن في درجه انسجام القارئ مع الاحداث وتخيله انه هو البطل/هـ
|
فعلاً
لما يكون القارئ منسجم مع القصه ..
يتخيل انه هو البطل / هـ ..
وهذا شي جميل انك تخيلتي نفسك البطله ..
اقتباس:
الي صار انه وانا بنص انسجامي طلعلي حدث غريب
ساره اغمى عليها يوم قالها فهد انه يحبها
هنا بالضبط حسيت انه فيه شي غلط
يعني لو انا بمكان ساره بخق , بفهي , باحس سيقاني ما يقون يشيلوني , بارتجف
اشياء واااااااااااجد ممكن احسها لكن الاغماء مو منها
فالي صار كان exagurating او over statement
بالعربي مباااالغة
صحيح انه المبالغه تعتبر فبعض الاحيان مطلب من مطالب القصه
لكن حلو انك اتبالغ بوصف جمال او قبح شيء
مو اتبالغ بالاحداث الي تصير للابطال لانه فالنهايه هي قصه اقرب للواقع مو للخيال او المغامرات
|
امممم
ملاحظه هادفه
لكن بما ان البنت شوي كانت حزينه بوفاة ابوها وامها ..
وحياتها اللي كانت في قلق .. يعني كنفسيه ماهو كاهتمام من عمها وخالتها ..
فقد يكون هناك شي من الصدمه
هي تحب فهد .. لكن كانت تخاف ان فهد مايحبها ..
عشان كذا انصدمت من كلامه واغمى عليها ..
ولابد من الاثاره شوي ..
اقتباس:
بليز قبل لا اتكمل قراية مشاركتي لا تاخذ كلامي على محمل شخصي
انا انقد القصه ما انقدك انت
|
عادي ..
وش في اعصابك شكلها مشدوده ..
انتقدي القصه وانتقديني .. ماعندك مشكلة ابداً ..
وما أجمل النقد لما يكون بناء ..
سواء كان نقدك على اسلوبي او على شخصيتي او على اي شي اقدمه ..
ايش ..؟؟
اقتباس:
انه بعد ما فرحنا بفهد وسارة عجبني اسلوبك بطرح مشهد العم وزوجه العم وهم داخلين يضحكون
يدل على انه كل شي تمام بحياتهم وانهم عايشين سعيدين
بهاللحظه انت قاعد اتهيء جو (هدوء ما قبل العاصفة)
بعدها عرفنا انه فهد مات
|
كلام سليم جداً
وين ؟
اقتباس:
المشكله الله يسلمك انه انت ككاتب ما عطيتني كقارئه الفرصه اني احس بروعه الاحاسيس الي
بين فهد وساره
انا ادري ان المقدمه كانت كلها عنهم لكن برضوا المقدمه كانت عنهم وهم صغار
اللحين باللحظه الحاليه وهم كبار ما صار الا شي واحد انه ضمها بس
القارئ يحتاج اكثر من ضمه علشان يحس بألم حادثه موته
يعني لو حطيت مثلا مشهد ثاني انه الام والابو شافوا ولدهم وفرحوا فيه وبشهادته
وبعدها تلاقى فهد مع ساره مره ثانيه هنا انت هيأت نفسية القارئ
انه يحس بالسعاده
وكل ما كان احساس القارئ بالسعاده اكثر كل ما كان احساسه بالالم اقوى
وكل ما كانت الاحاسيس اقوى كل ما كانت جوده القصه احسن
لفيت راسك ادري
|
امممم
كلام مميز ..
لكن انا ماحبيت اني اطول القصه اكثر من اللازم ..
خاصه انها ماراح تصدر في كتاب او كتيب ..
وكانت قصه قصيره .. بالاضافة الى ان القصة كانت تدور حول احداث معينه ..
يعني بالعربي .. كان فيه قصه حقيقيه ..
لكن قصة الحب .. بينهم ماتت .. بعد بعدهم عن بعض ..
ماودي استرسل اكثر بالكلام عن الحقيقة ..
بس اللي يهمني اني اعبر عن شي بداخلي ..
وهذا الهم اللي خلاني اكتب عن القصه ..
اقتباس:
طيب نجي لاخر شي وهو انك كتبت ساره قفزت بدون الشعور بشيء
من ناحيتي احسها احسن لو حطيت فيها اشوية مشاعر
زي الفرح انها شافته , الامل انها بتكون معه , الثقه انه ماراح يخليها وانه رجعلها
كل هذي راح تدعم هول الصدمه على البنت و تأثيرها على عقليتها
وطبعا اتبين قوه تصويرك للشخصيه
ادري انك بتقول هذي قصه قصيره مو روايه لكن مو شرط القصه تكون بهالقصر
|
يمكن هذا الشي كان غايب عن مخيلتي ..
عشان كذا تلقين المؤلفات الكثيره عن النقد ..
لأجل الواحد يقدر يكتب القصه الثانيه بشعور مختلف ..
وياخذ السلبيات والايجابيات للقصص القديمه ..
اقتباس:
فيه نقطه اخيره تعتبر ملاحظة مو نقد
الملاحظه الله يسلمك هي انه بالبدايه شفنا فهد يقول لسارة تغطي
وطبعا فهد كان صغير نقول 15 مثلا
اذا واحد عمره 15 يقول لبنت عمه الي عايش معها لفتره طوييييييييله تغطي
هذا ان دل على شي فانه يدل على انه من عائله محافظه
واذا كان من عائله محافظه صعب ان امه تسطر الهندي على وجهه
يعني لو غيرت الموقف المضحك الي صار مع زوجه العم يكون البق للقصة
|
يمكن يكون الولد محافظ .. والأم غير محافظه ..!!
ويمكن يكون العكس ..
ولما اسطرت الام الهندي .. كان ردة فعل بلا شعور ..
وهذا يصير احياناً من الغضب ..
مجرد ملاحظه مني وقد أكون مخطئ ..
اقتباس:
غير كذا القصه جداااااااا رائعه
الشخصيات والاحداث تلمس واقعنا السعودي
الخاتمه مررررررررررررره راقتلي
الكلمات الي مختارها رااااقيه واستخدمت اللغة الفصحى والعامية
مو زي بعض الكتاب اللحين طايحينلي بالعامي بس
مدري انا قاعدة اقرا قصه ولا سوالف
تسلملي هالاصابع على الكتابة
|
الله يسلمك ويخليك لعين ترجيك ..
تسلمين على كلماتك واطرائك الكبير ..
وهي شهاده اعتز فيها كثير ..
اقتباس:
|
وتراني اتوقع ادخل جرير بيوم من الايام والقى مجموعه قصصيه بتاليف super
|
والله الوالده دايماً تقولي اكتب .. ترى عندك اسلوب حلو ..
بس مشكلتي اني اماطل واقول ان شاء الله ..
خاصه ان ضغط العمل كبير ..
بالاضافة الى اني كتبت مقدمة لروايه ..
سميتها .. (اربعة على ضفاف الخليج) ..
كتبت مقدمتها .. لكن اهملتها ..
وان شاء الله اذا اكتملت راح تكون قويه جداً ..
وعندي احساس في هذا الشي ..
لكن ربي يسهل هالامر .. واتمنى القى دافع ودعم عشان اكملها ..
اقتباس:
اخر شي اقوله تراني بجد تعبت وانا اكتب هالرد الي وشطووووووووووووله
فاقل شي اتسويه بحقي انك تقولي جواب سؤالي
واذا ما قلتلي فـــــــــــعلا بتكون المشاعر والاحاسيس قويه حتى بدون قصه
اروع صح
تقبل مروري واتمنى ما تتضايق مني لاني نشبة
تونا باول الطريق
قلي وارتاح
|
الله يخليك والله على كلماتك وردك ..
وبالعكس والله .. ماانتي نشبه ولا شي ..
وصدقيني اني افرح لما اشوفك تردين علي
الله يعطيك العافيه ويوفقك في الدنيا ولآخره ..
دمتي بخير .. وادام الله افراحك ولياليك الملاح ..
|
|
|
|
|
|