الله يعطيكم الف عافيه على التفاعل
حنا نبي يكون صوتنا مسموع لمتى نكون سآكتآت ..؟
الوضع مزري جدا ولآيتحمل السكوت
بنآت نبي نتعاون ونكون يد وحده ونطالب بحقوقنآ
نبي اقلها وسآئل امن سلامه
احتمال بأي وقت يصير التماس بالكليه
ونكون حنا الضحايآ الألتماس لاحصل ممكن تروح الكليه باللي فيهآ ويجون ياخذونآ اهآلينآ
من تحت الأنقاض واحتمال يستلمونآ جسد بلا روح ..!
هذا كهرب وانتوا عارفين مساوءه عاد الكليه خرساناتها ايله للسقوط بسهوله تطيح يعني على الدنيا السلآم
لاتستهينون الوضع جدا جدا جدا خطير وفيه ارواح بتهدر
نبي مكآن مؤهل للتدريس نبي نكون بمكان يرتقي لمسمى جامعه بمعنى الكلمه
مو حنا تبع جامعه الملك فيصل ..؟
معقوله اللي بيشوف الكليه بيتوقع انها تبع الجامعه
اصلا انتوا تعتبرونها جامعه..؟
بالله وين الميزانيه تروح ؟
مو معقوله ابد ثمانيه مليون على البوابه الجديده
ماتدخل العقل
خلونا واقعيين شوي وصريحين مع انفسنا
اذا دكتوره قالت لنا بلسانها وربي يشهد وماعندي مانع اذكر اسمها وكلن يعرفها لكن مايهمنا من هي يهمنا وش قالت
قالت:
أنا صاحيه ادخل بنتي هنا بالخرابه
لا طبعا اخليها تروح الأحسآء وتضرب مشاوير واتحمل فراقها
ولا ادرسها عندكم
ماكذبت هي صادقه
شبهت كليتنا بزريبه غنم أجلكم الله
تتوقعون كيف بتكون نفسيتنا ..؟
وش بتكون رده فعلنآ ؟
ليه الأحساء لهم رب وحنا مالنا رب ...؟
لمتى نسكت ؟
وينكم يالأكباريه تجون تشوفون..؟
وينكم يالمسؤولين ..؟
ماضنيت بتسكتون وترضون على بنات بلدهم كذا
ارجو انكم تتداركون الوضع الحين دامه بين يدينكم
اتمنى منكم ماتحذفون ردودنا اتركوا الساحه هذي للبنات يعبرون عن معاناتهم هنآ لكن بدون تجاوز حدود الأدب لأن الآخلاق اهم من العلم وعلم بلآ خلق مامنه فايده
حنا نتكلم بحرقه من اللي فينا نبي تحسون شوي بمعاناتنا
نبي المسؤولين يتحركون
نبي صوتنا يوصل للمسؤولين وكلمه الحق ماتزعل وهذا واقع ماجبنا شيء من برآ
اتمنى كل مسؤول ومسؤوله يخافون الله بمناصبهم
الله عطاكم امانه اعطوا الأمانه حقها
اتمنى منكم ياخواتي ماتوقفون مكتوفات الأيدي
تحركوا وصلوا كلامنا لأكبر شريحه ممكنه من المسؤولين
سكوتكم يعني رضاكم بالوضع
ادري فيكم حرقه وقهر بس لازم تتفاعلون
انا ربي يشهد ارسلت لجريده اليوم وعكاظ وارسلت لبرنامج قضايا تلفزيوني برنامج تسع وتسعين على القناه الرياضيه
وارسلت للصحفي الله يقويه سعد الدوسري
وصديقاتي والله ماقصروا ارسلوا الي يقدرون عليه
لازم نتعاون يد وحده ماتصفق
ومو من صالحنا ابد نسكت
..~