إذا ناوي على الروحه وحاسب للغياب احساب
آبي اسأل قبل لا تروح قلبي وين خليته
أنا مدري من المخطي ولا اقدر أزيد أعتاب
عطيتك قلب يا قلبي يا ليتك بس داريته
نويت تروح يا الغالي ولا ادري وش الأسباب
ونور الشوق في عيني دخيلك ليه طفيته
خلاص أشوف ماودك تعاتبني عتاب احباب
حرقت القلب في بعدك وأشوفك حيل مليته
ترى قلبي مثل ورد كساه الرمل وصار تراب
يا ليتك بس في يدينك هذاك الورد ضميته
مادامك بايع العشره وناوي تقفل الأبواب
أبي اسأل قبل لا تروح قلبي وين وديته