أنا ماضي بلا ذكرى
أنا حاضر بدون أهداف
أنا مسافر بها الدنيا
على الهامش تلاقيني
أنا مبحر مع العالم
على زورق بلا مجداف
على كف الزمن تايه
ولا ادري وين يرميني
أنا جمله بدون احروف
أنا طاير بدون اطراف
لهيب الشمس وظلي
وسواد الليل يكويني
أنا اللي شبت من صغري
وأنا اللي شفت ما ينشاف
أعيش بوسط دوامه
تضحكني وتبكيني
أنا خايف من الأيام
تناديني وأقول أخاف
من اللي شفت بعيني
أجنبها وتناديني
ألا يا صاحب الجبار
ألا يا صاحب السياف
قتلت الحب في قلبي
تعلمت الطعن فيني