المشاركة الأصلية كتبت بواسطة سيرآن

السنة الماضية عشت نفس الشعور اللي عشتوه

طالبة علمي نسبتي 96 .. و انجليزيتي حلوة " من وجهة نظري "

شديت حيلي السمستر الاول وجبت معدل عالي جداً .. اهلي فرحوا

و انا بعد معنوياتي ارتفعت .. لَكِنْ لما جا موعد اختبار التخصص اللي دخلت الكلية

عشانه .. رحت الاختبار على الله .. ما ذاكرت ,, و هنا الله يختبر العبد .. اذا يضيع

الفرصة او لا .. حليت وحليت اسئلة عجبتني و اسئلة لا .. طلعت وانا خايفة وانتظر

النتيجة .. وانصدمت حطوني بالرغبة الـ 2 علم اجتماع .. واهلي بعد فرحة المعدل

صابتهم خيبة امل .. وناس حطوهم جغرافيا و قلبوا الدنيا .. ليش ما نعترف

ان مذاكرتنا مو ذاك الزود .. واللي صادقة هي اللي تكتب هي وش سوت ووش اعدت

للاختبار مو تقول بنت ماتستاهل حطوها وانا لا !!

طبعا ماسكتت خليت واحد من اهلي يروح للجامعة يمكن يكون فيه خطأ بالدرجة .؟

ما اكذب عليكم يا بنات ان قسم الرجل قالوا لنا : انه ليش جايين بنتكم جايبة

بالاختبار 11 من 35 .. انصدمت لما دريت .. ظليت سمستر ما اخذت مواد تخصص

وقدمت على التحويل والحمدلله السمستر اللي فات عديت اختبار التحويل والحين اتخصصت

باللي ابيه وَ الحمدلله الى مالانهاية

يا بنات مشكلتنا اننا نحاسب غيرنا على فشلنا

وَ السبب لحظات برود مستقبلي نمر بها و نخلي كل شي على الله


/

موفقات