المشاركة الأصلية كتبت بواسطة mona-a

بحاول وان شاء الله أوصلك المعلومة..

الوارد أخيرا صادر أولا :

بالعامية معناتها انه البضاعة حتوصلني على دفعات كل شهر دفعة مثلا فآخر دفعة تجيني راح ابيعها أول وبعدين الأقدم فالأقدم

مثلا :

الشهر الأول جبت بضاعة 50 حبة سعر الوحدة 30 ريال

الشهر الثاني 60 حبة كان سعر الوحدة 32 ريال

الشهر الثالث 40 حبة صار سعر الوحدة 35 ريال >>> الدنيا تغلى وش نسوي

المهم لو جاتني طلبية ب 100 حبة بعد الشهر الثالث كيف أحاسب عليها ؟؟!!


حسب طريقة الوارد أخيرا صادر اولا : حاخذ الكمية الأخيرة ( 40 حبة بسعر 35 ريال )

و عشان أكمل الطلبية حاخذ الكمية الثانية ( 60 حبة بسعر 32 ريال )

بينما الكمية الأولى ما احتاجها وبالتالي ما أدخلها في الحساب

وبكذا تكون تكلفة الطلبية = (40 * 35) + ( 60 * 32)




اتمنى اكون افدتك