|
رد: انظروا ماذا يحدث في كلية السنة التحضيرية بالأحساء <حاسب وصيدلة
أهلين فيك !
أنا مثلك بكلاس ميجن تصدقين ، و توني اليوم مسويه تسجيل
و لفت نظي موضوعك 
شوفي حبيبتي ، ميجن مرّه حبوبه و حيويه ، و الله أنها مسكينه مو قصدها تتذكري أول ما جات وش حكت ؟
قالت لنا أنتوا مرّه منغلقين على نفسكم و أنا لما كنت بأمريكا ما كنت أعرف وش المغامره اللي كنت بسويها ، و تتذكري لما حكت أن صاحباتها و أهلها يقولوا لا تجي السعوديه ! و أنها قالت بشوف أول !
مسكينه المرأه هذي تخيلي كيف أنها ما تعف عننا شيء هي مسيحيه و ما عندها فكره عننا كلنا ، و الدين النصيحه حتى لو ما عجبتك تكلمي معها و فهميها على جنب .
مسكينه مره كتبت بالصبوره كتبوا لي وش اللي موعاجبكم بالكلاس و أنا مستعده أغيره أتذكر وحده من البنات حكت لها أنها تبغي كلمات متداوله و صارت تكتبها لنا كل يوم أول ما تدخل ، و في بنت قالت لها أن ما يعجبها الضحك الكثير و سكتت و صارت تبذل جهدها معنا !
حنا كلنا نبيها تحب الإسلام الدين النصيحه ، و أتذكر كلمتها على البوي فريند قالت لنا " أنا أختي بمثل سنكم بس عندها بوي فريند " قالت لها وحده أنه محرم عندنا و فهمت !
دايم تسألنا عن عاداتنا و نفهمها تخيلي من الحريه اللي هي فيها لنا ! مو معقوله أستغرب حتى يوم بالحفل كانت تقول لنا أحبكم كلكم ، أنا ما توقعت ألتقي بحياتي ناس كويسين مثلكم !!
و البنات اللي سووا لها الحفله مساكين سووها عن حسن نيه أعرف وحده منهم بس قالت لي مسكينه " هي ببلدها يحتفلون بالصغيره و الكبيره شكلها مقطوعه عن أهلها و حنا بنحتفل بس نونسها "
أختي كم مره هزأتنا لما حركنا راسنا و قالت لو تكلمتوا صفر ، و الله أنها ما غششت و لا وحده ، بس بثاني إختبار قالت إللي يبي يعرف على السبلينج لكل واحد فرصه حق البرجراف ! لا تسيئي الظن فيها !
ديننا مره دين يسر و طيبه ، ماما كل ما أقول لها مشكله ودي أغيرها بالناس حولي تقول لي " أبدأي بنفسك ! "
و أنا معها ، أنا أسمع ميوزك و أتذكر أنها قالت باللسينينج عندنا بالشريط مو هي اللي جايبته هالأغنيه و أنها ما تعرف تغنيها و لازم نسمع حتى نحل و أن أي وحده عندها مشكله أو محرم بالنسبه لها تقدر تستأذن و هي ما رح تعارض ..
حاولي تتأقلمي و حسني ظنك في البنات يمكن مو هذا قصدهم شكلهم مره حبوبات
لا تأخذي كل الأمو بجديه أنا مهما تضايقت أمشيها ،
و Good luck in your own life 
|