المشاركة الأصلية كتبت بواسطة رنيم الصمت

المشاركة الأصلية كتبت بواسطة وينك يابوي

المشاركة الأصلية كتبت بواسطة رقيقة الملمس

لاحول ولاقوه الا بالله العلي العظيم ...

طبعا مااروح للكليه لأني انتساب...بالأول كنت أصر ع زوجي اسجل انتظام وهو رافض بحكم الاختلاف بوقت الدوام ..،

وو الحمد الله مااسجلت ووالا جنيت من هالمناظر ...

بس اسمع عن هالوضع كثير من الحولي يداومون ... شيء مقرف مقزز متعب نفسياً للسوين ..

واشووفهم وقت الاختبارات اذا رحت للجامعه (( مو كثير لأني اختبر واطلع ))

بس فيه اشكال غريبه ومقززه وملفته

أسبابها ... ضعف الوازع الديني لانها لو تخاف من الله وعذابه ما سمحت لنفسها تسلك هالمسلك ..

ثانياً ... الأهل اللي ما يدرون عن بناتهم ومخلين بناتهم ع راحتهم بالطلعه والخرجه ولا رقيب ولا حسيب

ثالثاً.. تقليد خصوصاً من اللي شخصياتهم ضعيفه وتبي تكون هيبه ولها قدر تقوم تسوي كذا عشان يكون لها قدر ...

رابعاً... الصحبة .. الصحبه ... الصحبه .. (( اللهم أرزقنا الصحبه الصالحه اللتي تكون عوناً لنا على رضاك ))) امين

.....

علاجها ...
اممم قالتها وحده من اللي قبلي ..
أكثروا من الندوات اللتي تنبه على خطر هذا الشي وعقابه من الله بالدنيا والآخره وووو.... الخ

كمان المفروض يكون هناك قرارات صارمه للحالات الشاذه هذي والحد منها ويكون للإداريات والمراقبات دور ما يخلون الدنيا سايبه ...
يخافون الله في المسؤليه اللي مسئولين عنها ....

نصيحه ...
أحاول أقنعها ان اللي تسويه غلط وماتكسب من وراه الا غضب رب العالمين .. وكره واستحقار من الناس ... وحسره بتلازمها طول عمرها ..
^^^^ هذي عليكم ياللي تداومون

كمان تنبهون البنات الجديدات واللي ماعندهم خلفيه عن هذي الفئه ... وتكسبون اجر فيهم .. لان في بنات مايعرفون شيء ولا عندها احد يقولها وانجرف ورآهم ...

فيه موقف مرت بنت أخت زوجي ...
اول ما دخلت الجامعه جاتها بنت وتعرفت عليها وقالت لها خذي هذا رقمي وأي شيء تحتاجينه من مساعده او ملازم او اي شيء ما تعرفينه بالجامعة أنا أساعدك << طبعاً لانها اكبر منها ..

فرحت فيها وقالت والله كنت شائله هم وين اروح وين أجي والجامعة ياكبرها ولا اعرف احد فيها ... طبعا جاتها بنت قالتلها نصيحه لوجه

الله لا تكلميها ولاتحتكين فيها هذي ((( جراره )) . ... يعني راعيه شباب << الله يكفينا الشر

طبعاً هي توهت كيف تتهرب منها .. جاتها اليوم الثاني البنت وقالت لها كيفك وأخبارك ووينك مااتصلتي (( طبعا بالبدايه طلبتها الرقم بس

قالت مو حافظته انتي اعطيني رقمك وحمدت الله انه ماعطتها رقمها والا كان دقت وازعجتها .... انتبهوا اي احد يطلبك الرقم لاتعطينه انتي خذي رقمه ..))

وقالت لها أنا اليوم عندي حفله لبنت أختي وش رايك تجين ولازم تجين ولا تخافين مافيها شيء طبعا لانها عرفتها فعارفه انها مذاهه وان حفلتها مو صاحيه

وعشان تصرفها قالت لها طيب أشوف اهلي وسحبت عليها وبعدين عرفت البنت انه ماارتاح تنسحب معاها وطنشتها وصارت بنت أخت

زوجي تحذر البنات منها .. وطبعاً اللي اكد لها صدق اللي نصحتها انها سمعت عنها من كم وحده ...

^^^^ اللي يداومون سوو زيها وانصحوا البنات من الأشكال هذي ..


نصيحه ...
ماا املك لهم الا الدعاء ...

اللهم احفظ بنات المسلمين من شر الفتن مظاهر منها ومبطن اللهم زينهم بالدين والعفاف وبمكارم الاخلاق واصرف عنهم السوء والشر يارب العالمين
اللهم أهدي بنات المسلمين لطاعتك ورضاك واستر عليهم واصلح أحوالهم وردهم إليك رداً جميلا يارب العالمين ..

الف شكر يالغلا ع الطرح الجميل ويارب يكون له اثره ..

اعتذر عن الاطاله ...
تحياتي ..