ملتقى طلاب وطالبات جامعة الملك فيصل,جامعة الدمام - عرض مشاركة واحدة

طلال المالكـي · 2012- 4- 16

اقتباس:

المشاركة الأصلية كتبت بواسطة زرقة السماء

والله عن نفسي جربت الحب وفشلت واحمدالله على الي كاتبه لي وبصراحه ابي زواج تقليدي

الزواجين تقليدي او عاطفي يا ينجح او يخسر وكل هذا قضاء وقدر ان تكون حياتهم ناجحه ومستمره او يكون مشاكل وانفصال والي عقله براسه يعرف خلاصه واذا الزوجين تقبلو بعض وتفهمو وعطو خطط لحياتهم ان شاء الله موفقين بحياتهم اما الي مايتكلمون مع بعض ويتناقشون بحياتهم وكل واحد يقول الي بقلبه ويطالع بحياة غيره هنا تبتدي المشاكل وكل مشكله ولها حل

موضوعك قمة في الروعة طرح يستحق النقاش اكتفي برأيي معنى ودي اكتب كلام بس الاطالة يجيب الملل
وأفضل الزواج التقليدي

بناءا على كلامك ومن تجربتك للحب اصبحتي لاتؤمنين بالحب ... والله ماألومك عندنا شباب الله يهديهم
يوهم البنت بالحب والزواج واذا هالمسكينه حبته من قلب طلعلها قرون

قام يلعب فيها وبمشاعرها مره يبكيها ومره بكلمه يضحكها وهالفاغره مصدقه

تقوله متى نتزوج يقول اذا خلصت الجامعه وهالمسكينه جالسه تعد الايام والسنين والدقايق تنتظر لحظة التخرج من الجامعه ويوم يتخرج تفرح اكثر منه واخيرا جاء يوم الفرج العالمي

..حبيبي متى نتزوج ((طبعا بينه وبين خاطره يقول هالنشبه نشبت فيني وش الحل)) ويقولها ان شاءالله بعد الوظيفه وبدأ العداد عندها يحسب من جديد تنتظر هالوظيفه

... اخونا في الله توظف ... هاااا يازوجي العزيز متى نتزوج ((بينه وبين خاطره اذا حجة البقره على قرونها

)) ويقولها ان شاءالله ياعمري بس اجمع المهر ونتزوج

... بدأ العداد عندها يحسب من جديد >>>>>>>>> وعاد اذا طلع ابو البنت معقد الله يكون بعون العاشقين مهر وبيت وشبكه و10 الاف للام و5 الاف للاخ و2000 ريال للجده و1000 ريال للسواق

وكانه جالس يبيع بنته ويتاجر فيها

وهنا هالمسكينه لخبطت ماتدري تجمع قيمة المهر مع ابوها ولا الايام المتبقيه عن الزواج وبالاخير وبكل برود اهلي مو موافقين على الزواج منك طبعا بيني وبينكم كذاب بس لانه خلاص مل منك يبي الفكه لانك كنتي بالنسبه له مجرد لعبه بيد طفل لعب فيها ومل منها ورماها وراه وراح لابوه .. يبه ابي غيرها

.... مرت الايام والسنين والليالي الطوال وتزوج غيرها وجاب عيال وطار زوج المستقبل وتبخرت الاحلام وعنست في بيت ابوها وهي مازالت تنتظر زوج المستقبل... .