.،؛،.

صباح / مساء الخير..

أهلين بنات ..

شخباركم مع الكلية وشخباركم مع الحووسة اللي احنا فيها !؟!؟

المهم ..

اليوم صارت لي ساااااااااااااالفة مع هالكلية ..

السالفة ومافيها اني أنا ما عندي دوام يوم الأربعاء , يعني جدولي من السبت إلى الثلاثاء ,

ولما رحت أسأل عن البطاقة الجامعية قالولي لازم تجيبينها يوم الاربعاء ,

لأن الموظفة اللي تاخذ الأوراق وتسوي البطاقات ما تداوم إلا الاربعاء .

في الاسابيع الماضية ما قدرت أروح والحمد لله اليوم أبوي استأذن من عمله عشان أروح أودي الأوراق

ومرة وحده رحت البنك أفتح حساب .. لأنهم عطونا ورقة نكتب فيها بياناتنا ورقم الحساب اللي تنزل عليه المكافأة..

طبعا المجال مفتوح يعني افتحي حسابك في البنك اللي تبينه .. وفتحت لي حساب في بنك البلاد ..

وفي نفس الوقت أبوي راح يودي أرواق بطاقة الخروج لمسؤول الأمن في الجامعة

>> يعني طلعتنا اليوم 3 في 1 (البطاقة الجامعية وبطاقة الخروج وفتح الحساب في البنك )

وكنت مستانسة اني بخلص من هالحوسة وهالأوراق ..

المهم .. أول شي رحت البنك وبعدها راح ابوي للجامعة والأوضاع ماشية تمام ..

يوم وصلت الكلية وسألت عن الموظفة اللي تسوي البطاقة الجامعية قالولي :

"ماجات اليوم , تعالي الأربعاء الجاي"

قلتلهم: ليييييه طيب!؟!؟ قالوا: ماندري عنها تعالي الأربعاء الجاي ويصير خييير !!

قلتلهم: طيب مافيه اي وحده ثانية أقدر أعطيها الأوراق وهي تسلمهم لها؟! , قالوا: لأ

قلت: طيب يعني ما يصير تداوم وسط الأسبوع!؟!؟ , قالوا: لأ

>> كل شي لأ لأ لأ لأ لأ لأ قهرررررررر والله ..

المهم عدينا هالسالفة على خير ..

بعدها رحت أدور الموظفة اللي أعطيها الورقة اللي فيها رقم حسابي ..

>> فرحانة انها فتحت لها حساب وصايرة كششششخة

ويوم لقيت مكتبها ودخلت عليها أعطيها الورقة قالت :

خلاص ما نبيها ..

قلت: شلون يعني !؟!

قالت : خلاص الجامعة بتفتح لك حساب في بنك الرياض واحنا بنعطيك رقم الحساب ..
والحساب اللي انتي فتحتيه ألحين خلاص ألغيه أو خليه عندك إذا تحتاجينه..

>> يعني جيتي لهم اليوم راحت هباااااااااااااءً منثوووووووورا

لا البطاقة الجامعية ولا هالحساب !!!!!!

والله قهررررررررررر ..

لييييه مافيه تنظيم ؟؟!؟!؟!

ليييييييييه مافيه ترتيب!؟؟!

لييييييييييه ما يقدرون أوضاع الناس!؟!؟

يعني ألحين أنا ما أداوم الأربعاء أصلا , ومخلية أبوي يستأذن من شغله عشان هالكلية ،

وجاية عشان هالبطاقة الجامعية وفي النهاية تطلع الموظفة ماجات

لنفترض ان هالموظفة عندها ظرف لاقدر الله وماقدرت تجي ليه مايحطون أي وحده بدل عنها؟!؟!؟

وحتى سالفة هالحساب ليه مايقولون لنا من البداية خلاص لا تفتحون حساب ! الجامعة بتفتح لكم ؟!؟!؟!

فوووووووووووووووووووووووضى لآآآآآخر مستوى .. الله يصبرنا بس ..




أهممممممممممممممممم شي في هالسالفة كلها :

لاتروحون تفتحون حساب في البنك ..

هم بيفتحون لكل طالبة حساب في بنك الرياض ..


وأتمنى أتمنى أتمنى من كل قلبي انهم يتسنعون ويحطون أنظمة عدلة زي الناس

>> طووووولت عليكم بالهذرة بس اعتبروها مجرد فضفضة

وأهم شي لا تنسون سالفة البنك لا تفتحون حساب




أشوفكم على خير في سالفة ثانية

.،؛،.