بسم الله الرحمن الرحيم
اختي الكريمة الجبيل مايوجد فيها مستشفى فيه أخصائى إجتماعي كثير من الطلاب يخلطون بين الأخصائي النفسي والإجتماعي الاخصائي النفسي موجود بكثرة لكن ليس هو المطلوب لان تخصصه علم نفس ومستحيل تدخلين على المريض النفسي مع الدكتور هذا يناقض الامانه المهنيه واسرار المريض .. وأنا أقترح عليك تشيلين القطاع الطبي من راسك وترتاحين لانه مافي بالجبيل اخصائي اجتماعي واقرب شي لك الدمام مستشفى الامل والظغط عليهم كبير وعندهم نقص بالكادر البشري لانهم يغطون المستشفيات بنظام الانتداب ... الخ
اختاري المجال الاول اي جمعية خيرية وعددها كبير بالجبيل والمجال الثاني مدرسي اي مدرسة بنات ولاانصحك تروحين لهم مباشره عندك دليل الهواتف بالانترنت والاستعلامات ولاتكلمين الاداره مباشره ولاتعلمينهم انك طالبه وعندك تدريب ..اتصلي واطلبي الاخصائية الاجتماعية بالجمعيه او المرشدة الطلابية وعلميها بكل اللي عندك لانه للاسف اغلب الادارات والاداريين مايحبون اي عين تدخل عليهم من برى علشان ماتطلع الاخطاء اما الاخصائية هذي مهنتها راح توافق بإذن الله كذا تفتكين من تصريف وتعقيد الادارات اللي تحاول تحجم من دور الاخصائي وتعقد الزياره على الطالب بحجة المرشدة مشغوله والاخصائية طالعه تكشف عالبيوت وعندنا اجتماع وبرنامج وخطة عمل الخ التصريفات .. يعني على قولة المثل هات من الاخر وانتي اخر شي ماراح تخلصين الا لما تلقين اخصائية تعطيك وضع المؤسسة وليس مؤسسة تشرح لك جدول الأخصائية وتصرفك
اتمنى تكون الفكره وضحت
والله يوفقك دنيا واخره وكل من حاول المساعدة ولم يستطع